راولپنڈی : 3 میچز پر مشتمل ون ڈے سیریز کے دوسرے میچ میں پاکستان کے خلاف سری لنکن ٹیم کی بیٹنگ جاری ہے۔

میزبان پاکستان نے سری لنکا کے خلاف ٹاس جیت پر پہلے فیلڈنگ کا فیصلہ کیا تھا۔

آج کے میچ میں کپتانی شاہین شاہ آفریدی کی جگہ سلمان علی آغا کررہے ہیں، شاہین کی طبیعت ناساز ہونے کی وجہ سے وہ آج پلیئنگ الیون کا حصہ نہیں ہیں۔

میچ کے لیے وسیم جونیئر کو پلیئنگ الیون میں شامل کیا گیا ہے۔

واضح رہے کہ پاکستان نے  پہلے میچ میں سری لنکا کو 6 رنز سے شکست دی تھی۔