افغان جریدے  افغانستان انٹرنیشنل کی رپورٹ میں کہا گیا ہےکہ افغانستان میں سرگرم دہشتگرد نیٹ ورکس پر عالمی تنظیموں کی جانب سے تشویش کا اظہار کیا گیا ہے۔

 افغانستان انٹرنیشنل کی رپورٹ کے مطابق ایس سی اوریجنل اینٹی ٹیررسٹ اسٹرکچر کی  11 ویں کانفرنس تاشقند میں  21،20 نومبر کو ہوئی جس میں  یو این، یورپ میں سکیورٹی، تعاون کی تنظیم، انٹرپول اور دیگر عالمی تنظیمیں شریک ہوئے۔

دوران کانفرنس شہریوں کو انتہا پسند نیٹ ورکس میں شمولیت سے روکنے اور سائبر سکیورٹی خطرات سے نمٹنے   پر تبادلہ خیال کیا گیا۔

کانفرنس کے دوران سربراہ اینٹی ٹیررسٹ اسٹرکچر ایس سی او اولاربیک نے دہشتگرد نیٹ ورکس پر بریفنگ دیتے ہوئے بتایا کہ  ایس سی او عہدیداران کے مطابق افغانستان میں دہشتگرد گروہ زیادہ فعال ہورہے ہیں، بین الاقوامی دہشتگرد گروہوں کی سرگرمیاں افغانستان اور شام میں بڑھ گئی ہیں، یہ تنظیمیں عسکریت پسندوں کو وسطی ایشیائی ممالک بھیجنےکےمنصوبے بنارہی ہیں۔

اولاربیک کے مطابق دہشتگرد گروہ حملے، وسطی ایشیا میں سلیپرسیل بنانے اور فنڈ اکٹھا کرنےکیلئے دائرہ کار بڑھا رہے ہیں جب کہ یہ  تیسرےممالک کی جعلی دستاویزات استعمال بھی کر رہے ہیں۔

دوسری جانب افغانستان میں سرگرم دہشتگرد نیٹ ورکس پر عالمی تنظیموں کی جانب سے بھی  تشویش کا اظہار کیا گیا ہے۔