ہالینڈ، بلدیاتی امیدوار برائے ڈی66 سید شاہ روز نے

دی ہیگ کی نمایاں شخصیت راجہ سجاد حیدر کو

 انتخابی مہم کے لئے ڈائریکٹر مقرر کر دیا ۔

ہالینڈ(ڈیلی روشنی نیوز انٹرنیشنل۔۔۔ جاوید  عظیمی )  ہالینڈ بھر میں بلدیاتی انتخابات 18 مارچ 2026 کو منعقد ہوں گے ۔ مذکورہ انتخابات میں دی ہیگ کے رہائشی سید شیر از اکرم کے صاحبزادے سید شاہ روز حیدر معروف سیاسی جماعت ڈی66 کے اُمیدوار ہوں گے۔انھوں نے اپنی انتخابی مہم کے لئے دی ہیگ کی جانی پہچانی نمایاں شخصیت راجہ سجاد حیدر کو ڈائریکٹر مقرر کر دیا ہے ۔ راجہ سجاد نے اس موقعہ پر  ذمہ داری دینے پر سید شاہ روز حیدر کا شکریہ ادا کرتے ہوئے اپنی ذمہ داریوں کو خلوص نیت اور محنت شاقہ سے سرانجام دینے کا اعادہ بھی کیا ۔ یاد رہے اعلان تقرری کے موقعہ پر  اُمیدوار کے والد سید شیر از اکرم ، اسرار علی اور  اخباروشنی نیوز کے چیف ایڈیٹر محمد جاوید عظیمی بھی موجودتھے۔