ہالینڈ(ڈیلی روشنی نیوز انٹرنیشنل )بالوں کے جلدی سفید ہونے کی وجوہات مختلف عوامل پر مبنی ہیں، جن میں جینیٹک، غذائیت، صحت کی حالت، عمر اور دیگر عوامل شامل ہیں۔ یہاں ان تمام پوائنٹس کا سائنسی تحقیق کی روشنی میں جائزہ لیا جارہا ہے
1= جینیٹک عوامل:
جینٹک عوامل میں مختلف جینز کا کردار شامل ہیں
MC1R، IRF4، TYR، اور OCA2
: یہ جینز میلانوسائٹس کی فعالیت اور میلانین کی تیاری کو کنٹرول کرتے ہیں۔ ان جینز میں مخصوص تغیرات بالوں کے جلدی سفید ہونے کا سبب بن سکتے ہیں۔ (میلانوسائٹس مخصوص خلیات ہیں جو میلانین پیدا کرتے ہیں، جلد، بالوں اور آنکھوں کی رنگت کے لیے ذمہ دار ہیں یہ بنیادی طور پر جلد کے epidermis میں واقع ہوتے ہیں اور UV تابکاری سے بچانے میں اہم کردار ادا کرتے ہیں۔ جینیاتی اور ماحولیاتی عوامل ان کی سرگرمی اور میلانین کی پیداوار پر اثر انداز ہوتے ہیں، رنگت میں انفرادی تبدیلییوں کا تعین کرتے ہیں۔)
اس حوالے سے ریسرچر نے ایک جینز پر تحقیق کی، جو Nature Communications میں شائع ہوئی جس میں ریسرر نے ، نے IRF4 جین کے ایک ویرینٹ کو بالوں کے جلدی سفید ہونے سے منسلک کیا ہے
(1. Han, J., Kraft, P., Nan, H., Guo, Q., Chen, C., Qureshi, A., … & Hunter, D. J. (2008). A genome-wide association study identifies novel alleles associated with hair color and skin pigmentation. *Nature Communications (1), 645.)
دوسری تحقیق۔
Journal of Investigative Dermatology
میں شائع ہوئی تحقیق نے MC1R جین کی میٹویشن (تغیرات) کے سبب بالوں کی رنگت کے درمیان تعلق کا مطالعہ کیا اور بالوں کے جلدی سفید ہونے سے منسلک کیا
Smith, S. D., & Hector, M. P. (2004). The role of melanocortin 1 receptor (MC1R) gene variants in human pigmentation and melanoma. Journal of Investigative Dermatology, 123(2), 40-49.
وراثتی عوامل:
اگر خاندان میں جلدی بال سفید ہونے کی تاریخ ہو تو امکان ہے کہ آپ کے بال بھی جلد سفید ہو جائیں گے۔
- غذائیت کی کمی:
-وٹامن B12 کی کمی میلانین کی تیاری میں خلل ڈال سکتی ہے اور بالوں کی رنگت کو متاثر کر سکتی ہے۔ایک تحقیق، جو International Journal of Trichology میں شائع ہوئی، نے وٹامن B12 کی کمی اور جلدی بال سفید ہونے کے درمیان تعلق کا مطالعہ کیا۔ اس تحقیق میں یہ پایا گیا کہ وٹامن B12 کی کمی کے شکار افراد میں بال جلدی سفید ہونے کا امکان زیادہ ہوتا ہے. وٹامن B12 کی کمی میلانین کی تیاری، میٹابولک فنکشنز، نئورولوجیکل صحت، اور آکسیڈیٹیو سٹریس کے ذریعے بالوں کی رنگت پر اثر ڈال سکتی ہے، جس سے بال جلدی سفید ہو سکتے
3 . تھائی رائیڈز ہارمونز کا کردار:
تھائیرائیڈ کی خرابی بھی بالوں کے جلدی سفید ہونے کی ایک ممکنہ وجہ ہو سکتی ہے۔ تھائیرائیڈ ہارمونز جسم کے مختلف افعال کو کنٹرول کرتے ہیں، اور ان میں خرابی بالوں کی صحت اور رنگت پر اثر انداز ہو سکتی ہے۔ اس سلسلے میں ایک تحقیق، جو Journal of Clinical Endocrinology & Metabolism* میں شائع ہوئی، نے تھائیرائیڈ کی خرابیوں اور بالوں کی صحت کے درمیان تعلق کا جائزہ لیا ہے اور پایا کہ تھائیرائیڈ کی خرابیوں کی وجہ سے بالوں کی رنگت اور ساخت پر اثرات مرتب ہو سکتے ہیں۔
(Sinclair, R. (2007). Hair loss and its management in the patient with thyroid disease. Journal of Clinical Endocrinology & Metabolism, 92(11), 4085-4090. DOI: 10.1210/jc.2007-0690.)
ایک اور تحقیق، جو Indian Journal of Dermatology میں شائع ہوا، نے تھائیرائیڈ کی بیماریوں کے مریضوں میں بالوں کی مختلف مشکلات، بشمول بالوں کا جلدی سفید ہونا، کی نشاندہی کی۔
(Ramesh, M. B., & Chandrashekar, B. S. (2008). A study of the association of premature graying of hair and autoimmune thyroid disorders in Indian population. Indian Journal of Dermatology, Venereology, and Leprology, 74(6), 626-629.)
ان ریسرچ سے ثابت ہوا تھائیرائیڈ کی خرابی، خواہ وہ ہائپو تھائیرائیڈزم ہو یا ہائپر تھائیرائیڈزم، بالوں کی رنگت اور صحت پر منفی اثر ڈال سکتی ہے۔ تھائیرائیڈ ہارمونز کی عدم توازن میلانوسائٹس کی کارکردگی کو متاثر کر سکتی ہے، جس سے بال جلدی سفید ہو سکتے ہیں۔ مناسب طبی علاج کے ذریعے اس مسئلے کو بہتر کیا جا سکتا ہے۔
علاج :
تھائیرائیڈ کی خرابیوں کا علاج ڈاکٹر کے مشورے کے تحت کیا جاتا ہے، جس میں تھائیرائیڈ ہارمونز کے لیول کو بحال کرنے کے لئے دوائیں شامل ہو سکتی ہیں۔ مناسب علاج کے ذریعے تھائیرائیڈ ہارمونز کے توازن کو برقرار رکھا جا سکتا ہے، جو بالوں کی صحت اور رنگت کو بہتر بنا سکتا ہے
- آئرن کی کمی :
آئرن کی کمی بھی بالوں کے جلدی سفید ہونے کی ایک ممکنہ وجہ ہو سکتی ہے۔ متعدد تحقیقات نے آئرن کی کمی اور بالوں کے جلدی سفید ہونے کے درمیان تعلق کا مطالعہ کیا ہے۔ مثال کے طور پر:
ایک ریسرچ، جو Journal of Korean Medical Science میں شائع ہوئی، جس نے آئرن کی کمی اور قبل از وقت بالوں کے سفید ہونے کے درمیان تعلق کی نشاندہی کی ہے
(Lee, W. S., Lee, S. H., & Kang, J. S. (2012). Premature Hair Graying: A Concomitant Finding with Iron Deficiency Anemia. Journal of Korean Medical Science, 27(4), 478-480. DOI: 10.3346/jkms.2012.27.4.478.)
-یک اور تحقیق، جو International Journal of Trichology میں شائع ہوئی، نے پایا کہ جن لوگوں میں آئرن کی کمی ہوتی ہے، ان میں بالوں کے سفید ہونے کا امکان زیادہ ہوتا ہے
(International Journal of Trichology*. (2013). The Association of Iron Deficiency with Premature Hair Graying in Young Men. DOI: 10.4103/0974-7753.125620.)
جس سے ثابت ہوا آئرن کی کمی میلانین کی پیداوار، آکسیڈیٹیو سٹریس، اور خون کی فراہمی پر اثر انداز ہو کر بالوں کے جلدی سفید ہونے کا سبب بن سکتی ہے۔ آئرن کی کمی کی تشخیص اور مناسب علاج بالوں کی رنگت کو بحال رکھنے میں مددگار ثابت ہو سکتے ہیں۔
علاج :
آئرن کی کمی کی تشخیص کرنے کے بعد، آئرن سپلیمنٹس، آئرن سے بھرپور غذا (جیسے سرخ گوشت، پالک، اور دالیں)، اور طبی مشورے سے کمی کو دور کرنے کی کوشش کی جا سکتی ہے۔
آئرن سے بھرپور غذا
آئرن کی کمی کو دور کرنے کے لئے درج ذیل غذا مفید ثابت ہو سکتی ہیں:
– سرخ گوشت (گوشت، جگر)
– سبز پتوں والی سبزیاں (پالک، کالی)
– دالیں اور بیج (چنے، دالیں، تیل والے بیج)
– پھل (انار، سیب)
- عمر Age کا اثر :
بالوں کے جلدی سفید ہونے میں عمر کا اہم کردار ہوتا ہے۔ عمر کے بڑھنے کے ساتھ بالوں کی رنگت میں تبدیلی عام بات ہے، جسے سائنسی طور پر سمجھنے کے لئے مختلف عوامل پر غور کیا جاتا ہے۔ جیسے میلانوسائٹس کی کمی، میلانوسو م کی ساخت میں تبدیلی ، اکسڈیٹیٹیو سٹریس میں زیادتی اور بڑھتی عمر کے ساتھ ہارمونز میں تبدیلیاں بالوں کے سفید پن میں اضافہ کرسکتی ہیں
– ایک تحقیق، جو Journal of Investigative Dermatology میں شائع ہوئی، نے میلانوسائٹس کی تعداد اور فعالیت میں عمر کے ساتھ آنے والی کمی کو بالوں کے سفید ہونے کا سبب بتایا ہے۔
(Tobin, D. J., & Paus, R. (2001). Graying: gerontobiology of the hair follicle pigmentary unit. Journal of Investigative Dermatology, 116(1), 35-44.)
– ایک اور ریسرچ، جو Nature میں شائع ہوا، نے آکسیڈیٹیو سٹریس اور عمر کے درمیان تعلق کا جائزہ لیا اور پایا کہ آکسیڈیٹیو سٹریس کی زیادتی میلانوسائٹس کو نقصان پہنچا سکتی ہے۔
(Nishimura, E. K., Granter, S. R., & Fisher, D. E. (2005). Mechanisms of hair graying: Incomplete melanocyte stem cell maintenance in the niche. Science, 307(5710), 720-724.)
جس سے ثابت ہوا کہ عمر کے ساتھ بالوں کا سفید ہونا ایک قدرتی عمل ہے، جس میں میلانوسائٹس کی فعالیت اور تعداد میں کمی، میلانوسوم کی ساخت میں تبدیلی، آکسیڈیٹیو سٹریس، جینیٹک پروگرامنگ، اور ہارمونل تبدیلیاں شامل ہیں۔ یہ عوامل مل کر بالوں کی رنگت کو متاثر کرتے ہیں اور بالوں کے جلدی سفید ہونے کا سبب بنتے ہیں۔
- دیگر عوامل:
بالوں کے جلدی سفید ہونے میں عمر کے علاوہ دیگر عوامل بھی اہم کردار ادا کرتے ہیں:
6:1 تمباکو نوشی: تمباکو نوشی آکسیڈیٹیو سٹریس کو بڑھا کر میلانوسائٹس کو نقصان پہنچاتی ہے، جس سے بال جلدی سفید ہو سکتے ہیں۔
6:2 ماحولیاتی عوامل: ماحولیاتی آلودگی اور ذہنی دباؤ بھی میلانوسائٹس کو نقصان پہنچا کر بالوں کی رنگت پر منفی اثر ڈال سکتے ہیں۔
یہ عوامل عمر کے ساتھ مل کر بالوں کے سفید ہونے کے عمل کو تیز کر سکتے ہیں۔
تحریر و تحقیق: ڈاکٹر محمد اعظم فاروق پی ایچ ڈی سکالر کلینیکل میڈیسن ڈیپارٹمنٹ آف کلینیکل میڈیسن چائنہ ایگریکلچر یونیورسٹی بیجنگ چائینہ
