تازہ غزل
شاعر ۔۔۔شہزاد تابش
ہم نےآنکھوں کےجزیروں میں چھپائےرکھے
درد جاگے بھی تو سینے میں سلائے رکھے
وہ نہ آنے کی قسم کھا کے گیا ہے پھر بھی
میں نے آنکھوں میں سدا دیپ جلائے رکھے
ہم نےخوابوں کے نگر میں بھی کدالیں لےکر
ہر مشقت کے لیے ہاتھ جگائے رکھے
مری آہوں سے نکلتے ہیں بھڑکتے ہوئے شعلے
ان سے مالک تری دنیا کو بچائے رکھے
ہم نے احساس کی وادی میں مٹا کرخود کو
اپنی آنکھوں میں سدا درد پرائے رکھے
اب مرے دشمن جاں ہار مقدر ہے ترا
میں نےدستوں میں سبھی تیرےستائےرکھے
ایک اجڑی ہوئی بستی نے سدا آنکھوں میں
تیری تعمیر کے ہی خواب سجائے رکھے
ترک تدبیر سے تقدیر بدلتی کیسے
بس دعاؤں کے لیے ہاتھ اٹھائے رکھے
کتنا مشکل ہوا اس دور میں جینا تابشِ
میرا اللّٰہ بھرم سب کا بنائے رکھے
شہزاد تابشِ
لاھور
پاکستان
