۔۔۔۔ تازہ غزل ۔۔۔
شاعر۔۔۔شہزاد تابش
محبت گر بہانہ باز ہے تو
مرے دل کی فقط آواز ہے تو
نہیں کنجشک جیسی تیری دنیا
بلندی کی حسیں پرواز ہے تو
خلاؤں سے بھی جو آگے ہیں جاتے
انہی بازوں میں وہ شہباز ہے تو
کھلاتا ہے جو میرے دل کا غنچہ
محبت کا وہی انداز ہے تو
جہاں میں دل جلوں کی اپنی دنیا
اسی دنیا کا سوز و ساز ہے تو
مری دنیا میں تو دنیا کا فتنہ
مگر سب کی نگاہ ناز ہے تو
شکم کی آگ پر ہیں سب تماشے
حصولِ رزق حیلہ ساز ہے تو
جہاں انجام ہے مہرو وفا کا
اسی کا نقطئہ آغاز ہے تو
کھلے گا ایک دن مجھ پر ہی تابشِ
جو پنہاں زندگی کا راز ہے تو
شہزاد تابشِ
لاھور
پاکستان
