ٹی ٹوئنٹی کرکٹ ورلڈ کپ سے پہلے ہی تاریخ کا بڑا اپ سیٹ ہوگیا، امریکا نے بنگلادیش کو سیریز کے پہلے ہی ٹی ٹوئنٹی انٹرنیشنل میچ میں 5 وکٹوں سے شکست دیدی۔
آئی سی سی کی ٹی ٹوئنٹی ٹاپ ٹین رینکنگ کی ٹیم کے خلاف امریکا نے پہلی فتح حاصل کر لی ہے۔
ہیوسٹن میں کھیلے گئے میچ میں بنگلادیش نے پہلے بیٹنگ کرتے ہوئے 6 وکٹوں کے نقصان پر 153 رنز اسکور کیے۔
بنگلادیش کی جانب سے توحید 58 رنز کی اننگز کھیل کر نمایاں رہے جبکہ محمد ریاض 31، سومیا سرکار 20، لٹن داس 14 اور شکیب الحسن 6 رنز بناکر آؤٹ ہوئے۔
امریکا نے 154 رنز کا ہدف 5 وکٹوں کے نقصان پر تین گیندیں قبل ہی حاصل کرلیا۔
امریکا کی جانب سے ہرمیت سنگھ نے 33 رنز کی شاندار اننگ کھیل کر کامیابی میں اہم کردار ادا کیا جبکہ کورے اینڈرسن نے 34 اور اسٹیون ٹیلر نے 28 رنز بنائے۔
