پنجاب اور خیبرپختونخوا کے بعد وفاقی دارالحکومت میں فوج طلب کرنے کا فیصلہ کیا گیا ہے۔
نمائندہ اے آر وائی نیوز کے مطابق اسلام آباد میں امن و امان کی صورتحال کے پیش نظر فوج طلب کرنے کے لیے ضلعی انتظامیہ نے وزارت داخلہ سے اجازت مانگ لی ہے۔
وزارت داخلہ کی اجازت پر ضلعی انتظامیہ فوج کو خط لکھے گی۔
ذرائع کے مطابق سرینگر ہائی وے کی صورتحال پر رینجرز اور اےٹی ایس کمانڈوز کو ٹا سک دے دیا گیا ہے۔ حکام کو ہدایت کی گئی ہے کہ سری نگر ہائی وے فوری ایکشن کر کے کلیئر کرایا جائے جب کہ سرینگرہائی وے سے ایئرپورٹ تک روڈ کو خالی کرانے کا حکم دیا گیا ہے۔
سابق وزیراعظم اور پی ٹی آئی چیئرمین عمران خان کی گزشتہ روز گرفتاری کے بعد سے ملک بھر میں پی ٹی آئی کارکنوں کا احتجاج جاری ہے جس میں متعدد سرکاری املاک کو بھی نقصان پہنچایا گیا ہے۔
امن وامان کی صورتحال پر قابو پانے کے لیے پنجاب میں وزارت داخلہ نے فوج تعیناتی کی منظوری دے دی ہے تاہم اب خیبر پختونخوا میں بھی فوج طلب کرنے کا فیصلہ کیا گیا ہے۔
ذرائع کے مطابق اس حوالے سے خیبر پختونخوا میں فوج طلب کرنے کے لیے ریکوزیشن جمع کرا دی گئی ہے اور یہ فیصلہ صوبے میں امن وامان کی صورتحال کو مدنظر رکھ کر کیا گیا ہے۔
