پاکستان انڈر 19 والی بال ٹیم نے انڈر 19 ورلڈ چیمپئن شپ میں شاندار ڈیبیو کرتے ہوئے پہلے میچ میں بیلجیم کی ٹیم کو تین ۔ صفر سے شکست دے دی ۔

ازبکستان کے شہر تاشقند میں شروع ہونے والی انڈر 19 والی بال ورلڈ چیمپئن شپ میں عالمی جونیئر رینکنگ میں انیسویں پوزیشن پر موجود پاکستان نے ورلڈ نمبر 7 بیلجیم کو ہر شعبے میں آؤٹ کلاس کیا ۔

پاکستان نے میچ میں پچیس ۔ انیس، پچیس ۔ سترہ اور پچیس ۔ بائیس سے کامیابی حاصل کی ۔

گرین شرٹس کی جانب سے سعود اور کپتان یحییٰ نے عمدہ کھیل پیش کیا ، سعود نے 9 بلاک پوائنٹس سمیت 13 پوائنٹس حاصل کیے ، یحییٰ نے 11 پوائنٹس بنائے۔

پاکستانی کھلاڑیوں نے اٹیک ، بلاک اور سرو پوائنٹس میں بیلجیم پر برتری رکھی جب کہ حریف کی غلطیوں سے بھی بھرپور فائدہ اٹھایا۔

ایونٹ میں پاکستان اپنا اگلا میچ جمعہ کو میزبان ازبکستان کے خلاف کھیلے گا