تازہ غزل
شاعر۔۔۔شہزاد تابش
جچتی ہو جس کی آنکھ میں دستار کی چمک
کیسے وہ دیکھ پائے گا کردار کی چمک
جس کی بلند سوچ ہو پاؤں زمین پر
رہتی ہے اس کی آنکھ میں رفتار کی چمک
اب ہے جنوں کی راہ پر وہ اسلحہ جدید
ہے ماند جس کے سامنے تلوار کی چمک
انجان مجھ سے بن گیا محفل میں دیکھ کر
آئی مری نگاہ میں بے کار کی چمک
جگنو ستارے چاند سبھی ماند پڑ گے
دیکھی جو حسنِ یار کے رخسار کی چمک
کچھ تو مرا ضمیر بھی مادہ پرست تھا
کچھ لے اڑی ہے درہم و دینار کی چمک
تابشِ سفیرِ خیر سے لازم ہے احتیاط
دیکھی ہے اس کی آنکھ میں اغیار کی چمک
شہزاد تابشِ
لاھور
پاکستان
