تازہ غزل
شاعر ۔۔۔۔۔۔۔۔۔ شہزاد تابش
پیروں میں آبلے ہیں سرائے کے لوگ ہیں
جلتے ہیں تیز دھوپ میں سائے کے لوگ ہیں
اپنے ہی گھر میں ہم نے گزاری ہے اس طرح
جیسے کسی مکاں میں کرائے کے لوگ ہیں
اے سر زمینِ غیر یوں ہم سے خفا نہ ہو
ہم مانتے ہیں دیس پرائے کے لوگ ہیں
میری نصیحتوں کا اثر ہو تو کس طرح
سارے جہاں میں مختلف رائے کے لوگ ہیں
ہم نخل سایہ دار ہیں اور آپ تیز دھوپ
ڈھونڈیں جو سائے دھوپ میں سائے کے لوگ ہیں
محفل میں سب ہیں آپ کے مہمانِ خاص پر
اک ہم ہیں جو یہاں بن بلائے کے لوگ ہیں
تابشِ لگا ہے روگ جنہیں خود نمائی کا
وہ آپ کی نظر میں کیوں پائے کے لوگ ہیں
شہزاد تابشِ
لاھور
پاکستان
