پاکستان(ڈیلی روشنی نیوز انٹرنیشنل) سندھ ہائیکورٹ کے ججز کے گھروں میں بجلی کے بریک ڈاؤن پر کے الیکٹرک افسران نے عدالت میں پیش ہوکر معذرت کرلی۔

جیو نیوز کے مطابق شہر قائد میں بارشوں کے دوران سندھ ہائیکورٹ کے ججز کے گھروں میں بجلی کی طویل بندش کے معاملے پر کے الیکٹرک حکام عدالتی نوٹس پر پیش ہوئے۔

سندھ ہائیکورٹ کے نوٹس کے بعد کے الیکٹرک افسران نے پیش ہوکربجلی کے بریک ڈاؤن پر معذرت کرلی۔

یہ بھی پڑھیں

بارش کے بعد کراچی کے 550 فیڈرز پر بجلی کی فراہمی معطل، کئی علاقوں میں 16گھنٹے سے بجلی بند

کراچی میں موسلا دھار بارش کے بعد نشیبی علاقے زیر آب، متعدد علاقوں میں بجلی غائب

کراچی میں بارش کے بعد 250 فیڈرز بند، مختلف علاقوں میں بجلی کی فراہمی معطل

کے الیکٹرک حکام نے عدالت میں کہا کہ  آئندہ بجلی کے بڑے بریک ڈاؤن اور فالٹ سے بچنے کے لیے حکمت عملی بنالی ہے، علاقوں میں تعینات افسران کے رابطہ نمبر اور نام فراہم کردیے گئے ہیں۔

کے الیکٹرک افسران نے عدالت کو بتایا کہ کچھ افسران کے تبادلے ہوچکے اور کوتاہی میں ملوث افسران کے خلاف کارروائی ہوگی۔

واضح رہے کہ ایڈیشنل رجسٹرار کوآرڈینیشن نے 22 اگست کو ایم ڈی کے الیکٹرک کو طلبی کا نوٹس کیا تھا۔

نوٹس میں کہا گیا تھا کہ کے الیکٹرک نیپرا قوانین کے تحت صارفین کو بجلی کی فراہمی کا پابند ہے، کے الیکٹرک کوبطوریوٹیلیٹی سروس فراہم کرنے والے ادارے متبادل نظام رکھنا چاہیے۔