ریاض: سعودی عرب میں صرف چند ماہ کے دوران آن لائن کاروبار میں 32 فیصد سے زائد کا اضافہ ریکارڈ کیا گیا ہے۔
اردو نیوز کے مطابق سعودی وزارت تجارت کا کہنا ہے کہ سال رواں کی پہلی سہ ماہی کے دوران مملکت میں آن لائن کاروبار میں سالانہ کی بنیاد پر 32 فیصد سے زائد کا اضافہ ہوا ہے۔
وزارت تجارت نے اپنے بیان میں کہا کہ سنہ 2023 کی پہلی سہ ماہی میں 4 ہزار 93 سجل تجاری (لائسنس) جاری ہوئے جبکہ گزشتہ سال اسی عرصے کے دوران ان کی تعداد 3 ہزار 499 تھی۔
وزارت تجارت کا کہنا تھا کہ سنہ 2023 کی پہلی سہ ماہی کے دوران آن لائن کاروبار کے لیے سب سے زیادہ سجل تجاری ریاض ریجن میں جاری ہوئے جن کی تعداد 13 ہزار 195 ریکارڈ کی گئی۔
مکہ مکرمہ میں 8 ہزار 605، مشرقی ریجن میں 5 ہزار 294، مدینہ منورہ میں 16 سو 49 اور القصیم میں 11 سو 7 لائسنس جاری ہوئے۔
خیال رہے کہ مملکت بھر میں مؤثر ہوم ڈلیوری سروس کے باعث آن لائن کاروبار کا دائرہ بھی وسیع ہوا ہے جس سے وقت کی بھی بچت ہو رہی ہے۔
