سلامتی کونسل میں ایران اور امریکا کے جوہری مذاکرات کی بحالی کے معاملے پر ایکدوسرے پر لفظی حملے

انٹرنیشنل (ڈیلی روشنی نیوز انٹرنیشنل )سلامتی کونسل میں ایران اور امریکا نے جوہری مذاکرات کی بحالی کی شرائط پر ایک دوسرے پر لفظی حملے کیے۔

امریکی صدر ڈونلڈ ٹرمپ کی مشرق وسطیٰ کے لیے نائب مندوب مورگن اورٹاگس( Morgan Ortagus)  نے کہا کہ وہ براہِ راست مذاکرات کے لیے اب بھی تیار ہیں، شرط یہ ہے کہ ایران میں یورینیم کی افزودگی نہیں ہوگی۔

 ایران نے واشنگٹن کی شرائط کو مسترد کر تے ہوئے کہا کہ ایران کسی بھی دباؤ اور دھمکی کے آگے نہیں جھکے گا۔

ایرانی جوہری پروگرام سے متعلق تمام امور کا حل مکالمےکے ذریعے ہی ممکن ہے: پاکستان

واضح رہے ایران کےجوہری پروگرام کے معاملے پر سلامتی کونسل کا اجلاس ہوا، جس میں پاکستان کےقائم مقام مستقل مندوب عثمان جدون نے ایران کے جوہری پروگرام سے متعلق تمام امور کاحل مکالمےکے ذریعے ہی ممکن قرار دیا۔

انہوں نے واضح کیا کہ پاکستان نے ایران پر پابندیاں دوبارہ نافذ کرنے کی حمایت نہیں کی اور فریقین کو جلدبازی سے باز رہنے کی تلقین کی۔