۔۔۔۔۔۔۔ سوچئے گا ضرور ۔۔۔۔۔۔۔
انتخاب ۔۔۔۔۔۔۔ میاں عاصم محمود
ہالینڈ(ڈیلی روشنی نیوز انٹرنیشنل ۔۔۔ سوچئے گا ضرور ۔۔۔۔ انتخاب ۔۔۔۔۔ میاں عاصم محمود)یہ بات تو آپ نے بھی سنی ہو گی کہ بچے بڑوں کو تین باتیں سکھا سکتے ہیں۔ وہ کون سی باتیں ہیں؟ آئیے، ذرا غور سے دیکھتے ہیں۔
پہلی بات: بے وجہ خوش رہنا:بچہ چھوٹی سی چیز پر،بلکہ کسی چیز پر بھی خوش ہو جاتا ہے۔ اسے خوشی کے لیے کوئی وجہ نہیں چاہیے ہوتی۔ وہ صرف موجودہ لمحے میں جی رہا ہوتا ہے۔ ہم بڑے تو ہر خوشی کے پیچھے کوئی نہ کوئی وجہ ڈھونڈتے ہیں، جبکہ خوشی تو دراصل وجہ سے پہلے کی کیفیت کا نام ہے۔
دوسری بات: ہمہ وقت مصروف رہنا
بچہ کبھی خالی نہیں بیٹھتا۔اس کے لیے ہر چیز کھیل ہے، ہر لمحہ نیا سوال ہے۔ وہ ہر وقت کچھ نہ کچھ کرتا، دریافت کرتا اور سیکھتا رہتا ہے۔ اس کی یہ مصروفیت اس کے ذہن اور جسم کی غذا ہے۔
تیسری بات: پورے عزم کے ساتھ مانگنا
جب بچے کو کچھ چاہیے ہوتی ہے،تو وہ آدھی دل سے نہیں، بلکہ اپنی پوری جان لگا کر اسے مانگتا ہے۔ وہ شرمانا، ڈرنا، یا پیچھے ہٹنا نہیں جانتا۔ اس کا یہ اصرار اس کی خواہش کی طاقت کو ظاہر کرتا ہے۔
تو کیا ہم بڑے بھی اپنے اندر کا وہ بچہ زندہ رکھ سکتے ہیں؟ وہ بچہ جو بلا وجہ مسکراتا ہے، ہر لمحے کو قیمتی سمجھتا ہے اور اپنی خواہشات کے لیے پورے دل سے کوشش کرتا ہے۔
سوچیے گا ضرور۔
