پاکستان تحریک انصاف( پی ٹی آئی)  نے حکومت کے بلائے گئے اجلاس میں شرکت کی شرط رکھ دی۔

پاکستان تحریکِ انصاف کی سیاسی کمیٹی کا اجلاس کا  اعلامیہ جاری کر دیا ہے۔

اعلامیے کے مطابق تحریک انصاف نے حکومت کے بلائے گئے اجلاس میں شرکت کی شرط رکھ دی ہے۔

پی ٹی آئی کا کہنا ہے کہ بانی پی ٹی آئی عمران خان سے ملاقات تک حکومتی اجلاس میں شرکت نہیں کریں گے۔ دعوت اسی صورت قبول کی جائے گی جب ملاقات کا مطالبہ تسلیم کیا جائے گا۔

اعلامیے میں کہا گیا ہے کہ  تحریکِ انصاف عدلیہ کے احکامات کی بالادستی کا مطالبہ کرتی ہے،  بانی پی ٹی آئی کے تمام آئینی حقوق کی فراہمی یقینی بنائی جائے،  بغیر تاخیر بانی پی ٹی آئی کے ساتھ فیملی اور وکلاء کی ملاقات کرائی جائے، ان کو فوری طور پر شفا انٹرنیشنل اسپتال منتقل کیا جائے۔

پی ٹی آئی کا کہنا ہے کہ  عمران خان کا علاج ذاتی معالجین اور فیملی کی موجودگی میں یقینی بنایا جائے۔

اعلامیے میں سیاسی کمیٹی نے افغانستان کے ساتھ کشیدہ صورتحال پر تشویش کا اظہار کرتے ہوئے ایران پر اسرائیل اور امریکی جارحیت اور قتلِ عام کی مذمتکی۔

تحریک انصاف کا کہنا ہے کہ ایران کے خلاف کارروائی دنیا کو مزید افراتفری کی طرف دھکیلنا ہے، ایران اور خلیجی ریاستیں انتہائی ذمہ داری اور تحمل کا مظاہرہ کریں، مریکا اور اسرائیل فوری طور پ غیر قانونی جارحیت اور اشتعال انگیز اقدامات روکے۔

یاد رہے کہ وزیراعظم شہباز شریف نے اپوزیشن اور سیاسی قیادت کو موجودہ صورتحال پر اعتماد میں لینےکا فیصلہ کیا ہے۔

 ذرائع کے مطابق وزیراعظم کل دونوں ایوانوں کے قائدین حزب اختلاف اور پارلیمانی لیڈرز کو بریفنگ دیں گے۔ وزیراعظم شہباز شریف نے اپوزیشن قائدین کوبھی وزیراعظم ہاؤس مدعو کیا ہے۔

ذرائع کے مطابق مشرق وسطیٰ، ایران پر حملے کے نتیجے میں پاکستان کی خارجہ پالیسی پر بریفنگ دی جائےگی۔