ہالینڈ(ڈیلی روشنی نیوز انٹرنیشنل )غزوہ احد کے دن جب جنگ ختم ہو گئی تو رسول الله صلی الله علیہ وآلہ واصحابہ وسلم نے فرمایا کوئی ہے جو مجھے سعد ابن ربیع رضی الله تعالی عنہ کی خبر لا دے

حضرت ابی بن کعب رضی الله تعالی عنہ عرض کرتے ہیں یاسیدی یارسول صلی الله علیہ وآلہ واصحابہ وسلم میں آپ صلی الله علیہ وآلہ واصحابہ وسلم کا حکم بجا لاؤں گا رسول الله صلی الله علیہ وآلہ واصحابہ وسلم نے فرمایا کہ اگر سعد ابن ربیع رضی الله تعالی عنہ تمہیں زخمی حالت میں ملے تو اس کو میرا سلام کہنا حضرت ابی بن کعب رضی الله تعالی عنہ فرماتے ہیں میں لاشوں میں دیکھتا رہا مجھے حضرت سعد ابن ربیع رضی الله تعالی عنہ کی لاش نہ ملی میں نے زندوں میں دیکھا حضرت سعد ابن ربیع رضی الله تعالی عنہ نہیں ملے زخمیوں میں گیا تو میں نے دیکھا سترہ آدمی زخمی ہیں ان زخمیوں کے نیچے زخموں سے چور حضرت سعد ابن ربیع رضی الله تعالی عنہ تڑپ رہے ہیں میں نے نیچے سے حضرت سعد ابن ربیع رضی الله تعالی عنہ کو نکالا اور نکال کر کہا سعد ابن ربیع رضی الله تعالی عنہ رسول الله صلی الله علیہ وآلہ واصحابہ وسلم نے آپ کو سلام بھیجا ہے ہاں ہاں رسول الله صلی الله علیہ وآلہ واصحابہ وسلم نے سلام بھیجا ہے کہ ساری کائنات جن صلی الله علیہ وآلہ واصحابہ وسلم پر سلام بھیجتی ہے

دیکھو انہوں صلی الله علیہ وآلہ واصحابہ وسلم نے سعد ابن ربیع رضی الله تعالی عنہ کو سلام بھیجا ہے اتنا کہنا تھا حضرت سعد ابن ربیع رضی الله تعالی عنہ جوش سے اٹھتے ہیں زخمی شیر کی طرح اٹھنا چاہتے ہیں

 حضرت سعد ابن ربیع رضی الله تعالی عنہ نے فرمایا رسول الله صلی الله علیہ وآلہ واصحابہ وسلم نے مجھے سلام بھیجا ہے اٹھنا چاہتے ہیں مگر تڑپ کر زمین پر گر جاتے ہیں جب اٹھا نہ گیا تو حضرت سعد ابن ربیع رضی الله تعالی عنہ نے فرمایا اے بھائی حضرت ابی بن کعب رضی الله تعالی عنہ میرے رسول الله صلی الله علیہ وآلہ واصحابہ وسلم کو میرا سلام کہنا اور میرے رسول الله صلی الله علیہ وآلہ واصحابہ وسلم کوعرض کرنا کہ میرے لیے دعا کریں اور میرا یہ پیغام دینا کہ اگرچہ نیزے اور تیر میرے جسم سے آڑ پار ہو گئے

لیکن میں نے اپنے قاتل کے جسم سے بھی نیزہ پار کر دیا اور اسے جہنم واصل کر دیا ہے اور میری قوم انصاریوں کو جمع کرنا اور کہنا انصاریو میرے رسول الله صلی الله علیہ وآلہ واصحابہ وسلم کے نام پر کٹ جانا مٹ جانا لٹ جانا ذبح ہو جانا ٹکڑے ٹکڑے ہو جانا اگر رسول الله صلی الله علیہ وآلہ واصحابہ وسلم پر آنچ بھی آئی تو قیامت کے دن تمہارا سردار تمہیں پکڑے گا اگر رسول الله صلی الله علیہ وآلہ واصحابہ وسلم کو کچھ ہو گیا اور تم میں سے ایک بھی زندہ ہوا تو قیامت کے دن بارگاہ الہی میں تمہارا کوئی عذر قبول نہیں ہو گا ہم نے لیلۃ العقبہ میں رسول الله صلی الله علیہ وآلہ واصحابہ وسلم پر فدا ہونے کا حلف اْٹھایا تھایہ فرمایا اور ہچکی لے کر ہمیشہ کے لیے خاموش ہو گئے

حضرت ابی بن کعب رضی الله تعالی عنہ نے حضرت سعد بن ربیع رضی الله تعالی عنہ کے آخری الفاظ رسول الله صلی الله علیہ وآلہ واصحابہ وسلم کی خدمت میں عرض کیے تو رسول الله صلی الله علیہ وآلہ واصحابہ وسلم کے ہاتھ بلند ہوئے اللہ تعالی سعد بن ربیع رضی الله تعالی عنہ کو اپنے دامن رحمت میں جگہ دے زندگی اور موت دونوں میں اور الله کے رسول صلی الله علیہ وآلہ واصحابہ وسلم کے بھی خواہ رہے

حوالہ طبقات الکبری ابن سعد

یہی وہ حضرت سعد بن ربیع رضی الله تعالی عنہ ہیں جن کا رسول الله صلی الله علیہ وآلہ واصحابہ وسلم نے حضرت عبدالرحمن بن عوف رضی الله تعالی عنہ سے بھائی چارہ کروایا اور انہوں نے حضرت عبدالرحمن بن عوف رضی الله تعالی عنہ کو کہا تھا میرے پاس بہت دولت ہے آدھا مال تم کو دے دیتا ہوں میری دو بیویاں ہیں تم دونوں کو ایک نظر دیکھ لو جس کو کہو گے طلاق دے دوں گا اس کے بعد تم اس سے نکاح کر لینا لیکن حضرت عبدالرحمن بن عوف رضی الله تعالی عنہ نے حضرت سعد بن ربیع رضی الله تعالی عنہ کی پیشکش قبول نہ کی مگر ان کو بہت دعائیں دی اور کہا آپ مجھے صرف بازار کا راستہ دکھا دیں پھر ایک وقت آیا حضرت عبدالرحمن بن عوف رضی الله تعالی عنہ مدینہ منورہ کے سب سے بڑے تاجر بن گئے

صحیح بخاری کتاب المناقب باب اخاء النبی بین المہاجرین و الانصار

وہ صحابی حضرت ابی بن کعب رضی الله تعالی عنہ جو غزوہ احد میں حضرت سعد بن ربیع رضی الله تعالی عنہ کو لینے گئے تھے مدینہ منورہ کی ایک گلی سے گزر رہے ہیں وہ فرماتے ہیں میں نے دیکھاحضرت سیدنا ابوبکر صدیق رضی الله تعالی عنہ اپنے مکان کے دروازے پر چٹائی بچھا کر لیٹے ہیں اور میں نے دیکھا ایک چھوٹی سی بچی حضرت سیدنا ابوبکر صدیق رضی الله تعالی عنہ کے سینے پر کھیل رہی ہے حضرت سیدنا ابوبکر صدیق رضی الله تعالی عنہ بچی کو چومتے ہیں اس بچی کوسینے سے لگاتے ہیں میں نے پوچھا سیدنا ابوبکر صدیق رضی الله تعالی عنہ یہ آپ رضی الله تعالی عنہ کی بچی ہے؟

میری بات سن کر حضرت سیدنا ابوبکر صدیق رضی الله تعالی عنہ تڑپ گئے اور فرمایا یہ میری بچی نہیں یہ حضرت سعد بن ربیع رضی الله تعالی عنہ  کی بچی ہے میں اس لیے اسے پیار کر رہا ہوں کہ جب  حضرت سعد بن ربیع رضی الله تعالی عنہ کا آخری وقت تھا اس نے یہ تو کہا تھا کہ میرے رسول الله صلی الله علیہ وآلہ واصحابہ وسلم  کی حفاظت کرنا اس نے یہ نہیں کہا میری بچی کا خیال کرنا وہ یتیم بچی چھوڑ کر دنیا سے چلے گئے اور رہتی دنیا تک کے لوگوں کو بتا گئے اگر محمد رسول الله صلی الله علیہ وآلہ واصحابہ وسلم اور ان کی حرمت باقی ہے تو سارا جہاں باقی ہے

تحفظ ناموس رسالت میں اگر موت آئی

حوض کوثر ترا  باغات ارم تیرے ہیں

صلی الله علی حبیبہ محمد نور من نور الله وعلی آلہ واہل بیتہ وعترتہ وازواجہ وصحبہ وجدہ وذریتہ و کل امتہ وبارک وسلم کثیراً کثیرا و دائماً ابدا

مدح صحابہ رضی الله عنہم اجمعین

اللہ تعالی ہم سب کو صحابہ کرام رضوان اللہ علیھم اجمعین کا سچا غلام بنا دے آمین

ہمارا حوصلہ بڑھانے کے لئے ہمیں لائک شیئر اور فالو کر لیں شُکریہ

اللہ تعالی آپ کو جزائے خیر عطاء فرمائے آمین

Info Planet #infoplanet