غزہ میں بارش سے فلسطینیوں کی مشکلات میں مزید اضافہ، پانی خیموں اور اسپتالوں میں داخل

انٹرنیشنل (ڈیلی روشنی نیوز انٹرنیشنل )غزہ میں موسم سرما کی بارش کے بعد اسرائیلی جنگ سے تباہ حال فلسطینیوں کی مشکلات میں مزید اضافہ ہوگیا۔

عرب میڈیا کے مطابق غزہ میں موسم سرما کی بارش سے سردی کی شدت میں تو اضافہ  ہوا ہی وہیں بارش کا پانی بے گھر فلسطینیوں کے خیموں اور اسپتالوں میں داخل  ہوگیا۔

اسرائیل نے خیمے اور دیگر امدادی سامان کی غزہ آمد پھر روکی ہوئی ہے جس کی وجہ سے بڑھتی سردی اور بارش کی وجہ سے فلسطینی گیلے خیموں میں رہنے پر مجبور ہیں۔

رپورٹس کے مطابق امریکا اسرائیل کی حمایت یافتہ متنازع امدادی تنظیم غزہ ہیومنٹیرین فاؤنڈیشن نے غزہ میں آپریشن روکنے کا اعلان کر دیا ہے۔

دوسری جانب  اسرائیلی ٖفوج کی جنگ بندی خلاف ورزیاں بھی جاری ہیں، تازہ کارروائی میں  مزید 4 فلسطینی شہید ہوگئے۔

10 اکتوبر کے جنگ بندی معاہدے کے بعد سے اسرائیل 500 سے زیادہ بار جنگ بندی کی خلاف ورزیاں کر چکا ہے۔

ادھر  حماس نے ایک اور یرغمالی کی باقیات اسرائیل کے حوالے کر دیں ۔