منہاج القرآن انٹرنیشنل کا یومِ تاسیس ،ایک مشن، ایک تحریک، ایک عزم

فرام : یونان (ڈیلی روشنی نیوز انٹرنیشنل ۔۔۔تحریر ۔۔ چوہدری انصر اقبال بسراء )17 اکتوبر 1980 کو شیخ الاسلام ڈاکٹر محمد طاہرالقادری نے جس عظیم مشن کا آغاز کیا، آج وہ تحریک منہاج القرآن کے نام سے دنیا بھر میں علم، امن، خدمت، اور روحانی تربیت کا استعارہ بن چکی ہے۔ ہر سال یومِ تاسیس کے موقع پر نہ صرف تنظیم کی گراں قدر خدمات کو خراج تحسین پیش کیا جاتا ہے بلکہ اس مشن سے جڑے لاکھوں کارکنان تجدیدِ عہد کرتے ہیں کہ وہ فروغِ علم، اخوت، اور اتحادِ امت کے لیے اپنی توانائیاں وقف رکھیں گے۔

منہاج القرآن کا سفر محض تنظیمی حدود میں محدود نہیں رہا۔ یہ ایک ہمہ جہتی اصلاحی تحریک بن چکی ہے جس کے ادارے آج پاکستان سمیت یورپ، امریکہ، افریقہ، مشرقِ وسطیٰ اور ایشیاء کے کئی ممالک میں فعال ہیں۔ چاہے وہ تعلیم کا میدان ہو یا بین المذاہب ہم آہنگی کا فورم، فلاحی سرگرمیاں ہوں یا خواتین و نوجوانوں کی تربیت — ہر شعبے میں منہاج القرآن نے عملی کردار ادا کیا ہے۔

یومِ تاسیس کے موقع پر مرکزی سیکرٹریٹ لاہور سمیت دنیا بھر کی ذیلی تنظیمات میں تقاریب کا انعقاد کیا جاتا ہے۔ علما، مشائخ، سماجی رہنما اور مختلف مکاتبِ فکر کے افراد ان پروگرامز میں شرکت کرتے ہیں، جہاں تحریک کی جدوجہد اور عالمی اثرات پر روشنی ڈالی جاتی ہے۔

تحریک منہاج القرآن کا یومِ تاسیس نہ صرف ماضی کی خدمات کا اعتراف ہے بلکہ مستقبل کے لیے ایک نیا عزم، نیا حوصلہ اور نئی راہوں کی جستجو کا پیغام ہے۔

اللہ رب العزت سے دعا ہے کہ یہ مشن تا قیامت سلامت رہے اور انسانیت کے لیے ہدایت و خدمت کا چراغ بن کر روشن رہے۔ آمین۔