ہالینڈ ، دل نواز شاعر ناصر نظامی کے ساتھ ایک شام
پریس کلب فیصل آباد کے زیر اہتمام خوبصورت تقریب
منعقد ہوئی ، اہل دانش اور سخنوروں کی بھر پور شرکت۔۔۔
ہالینڈ(ڈیلی روشتی نیوز انٹرنیشنل ۔۔جاوید عظیمی ) ہالینڈ کے شہر ایمسٹر ڈیم کے قدیم رہائشی دلنواز شخصیت اور اپنے کلام سے سخنوروں کو تسکین پہنچانے والے معروف شاعر ناصر نظامی آجکل پاکستان کے نجی دورے پر ہیں۔ پریس کلب فیصل آباد نے ایک شام ناصر نظامی کے نام سے منسوب خوبصورت نشست کا انتظام و انصرام کیا۔جس میں اہل علم، دانشوروں، شعرائے کرام اور سخنورکثیر تعداد میں شریک ہوئے۔ ناصر نظامی نے اپنے مخصوص انداز میں اپنا کلام پیش کر کے دادوصول کی ۔ قبل ازیں ناصر نظامی کی پریس کلب آمد پر پھولوں کا گلدستہ پیش کرکے پرتپاک استقبال کیا ۔ ناصر نظامی نے پریس کلب فیصل آباد کےممبران اور عہدیداران کی محبتوں کاصمیم قلب سے شکریہ ادا کیا اور ان کے حق میں دعائیہ کلمات بھی ادا کئے۔
