ہولو کاسٹ میں بچ جانے والے اسٹیفن کیپوس کا کہنا ہے کہ اسرائیلی حکومت ہولوکاسٹ کا غلط استعمال کر رہی ہے۔

غیر ملکی خبر رساں ادارے کے مطابق  اسٹیفن کیپوس نے اپنے بیان میں کہا کہ غزہ میں جو ہو رہا ہے اس کو فوراً بند کرنے کی ضرورت ہے۔

انہوں نے کہا کہ نیتن یاہو نے کچھ عرصہ پہلے کہا تھا ’کبھی دوبارہ نہیں‘ کا وقت اب ہے، یہ بھی ہولوکاسٹ کا واضح اور غلط استعمال ہے کیونکہ جن لوگوں نے اُس ظلم کو حقیقت میں جھیلا ہے، اُن کے نزدیک ’کبھی دوبارہ نہیں‘ کا مطلب کچھ اور ہے۔

اسٹیفن کیپوس نے اس لفظ  کا مطلب واضح کرتے ہوئے کہا کہ دنیا کے کسی بھی انسان یا کسی بھی قوم پر دوبارہ ایسے مظالم کبھی نہ ڈھائے جائیں۔