۔۔۔غزل۔۔۔
شاعر۔۔۔شان الحق حقی
تم سے اُلفت کے تقاضے نہ نباھے جاتے
ورنہ ھم کو بھی تمنا تھی کہ چاھے جاتے
دل کے ماروں کا نہ کر غم کہ یہ اندوہ نصیب
زخم بھی دل میں نہ ھوتا تو کراھے جاتے
کم نگاھی کی ھمیں خود بھی کہاں تھی توفیق
کم نگاھی کے لئے عذر نہ چاھے جاتے
کاش اے ابر بہاری ترے بہکے سے قدم
میری امید کے صحرا میں بھی گاھے جاتے
ھم بھی کیوں دھر کی رفتار سے ھوتے پامال
ھم بھی ھر لغزش مستی کو سراھے جاتے
لذت درد سے آسودہ کہاں دل والے
ھیں فقط درد کی حسرت میں کراھے جاتے
ھے ترے فتنۂ رفتار کا شہرہ کیا کیا
گرچہ دیکھا نہ کسی نے سر راھے جاتے
دی نہ مہلت ھمیں ھستی نے وفا کی ورنہ
اور کچھ دن غم ھستی سے نباھے جاتے
شان الحق حقی
