۔۔۔۔۔۔۔۔۔  غزل  ۔۔۔۔۔۔۔۔۔

شاعرہ  ۔۔۔۔۔۔۔۔۔  پروین شاکر

آنکھوں کے لیے  جشن کا پیغام تو آیا

تاخیر سے ہی چاند لبِ بام تو آیا

اُس باغ میں اک پھول کِھلا میرے لیے بھی

خوشبو کی کہانی میں میرا نام تو آیا

پت جھڑ کا زمانہ تھا تو یہ بخت ہمارا

سرِ چمنِ دل کووہ گلفام تو آیا

اُڑ جائے گا پھر اپنی ہواؤں میں تو  کیا  غم

وہ طائرِ خوش رنگ تہِ دام تو آیا

ہر چند کہ کم عرصہِ زیبائی میں ٹھہرا

ہر چہرہِ گُل باغ کے کچھ کام تو آیا

شب سے بھی گزر جائیں گے گر تیری رضا ہو

دورانِ سفر مرحلہِ شام تو آیا

پروین شاکر