9 مئی ڈیجیٹل دہشتگردی کیس: عادل راجا، صابر شاکر، وجاہت سعید اور معید پیرزادہ کو 2، 2 بار عمر قید کی سزا

پاکستان(ڈیلی  روشنی نیوز انٹرنیشنل )اسلام آبادکی انسداد دہشتگردی کی عدالت نے 9 مئی کو ریاستی اداروں کے خلاف ڈیجیٹل دہشتگردی کرنے کےکیس کا فیصلہ سنا دیا۔

اے ٹی سی اسلام آباد میں پراسکیوشن کی جانب سے ڈیجیٹل دہشتگردی کے کیس میں مجموعی طور  پر 24 گواہان کو پیش کیا گیا، جج طاہرعباس سپرا نے کیس کا محفوظ فیصلہ سنایا۔

پراسکیوشن کی جانب سے راجانویدحسین کیانی عدالت میں پیش ہوئے جبکہ عدالت میں ملزمان کی کی جانب سےگلفام اشرف گورائیہ ایڈووکیٹ پیش ہوئے، گلفام گورائیہ ایڈووکیٹ کو عدالت کیجانب سے ملزمان کا وکیل مقررکیا گیا تھا، انسداد دہشت گردی قوانین کے مطابق ملزمان کی عدم موجودگی میں ٹرائل کیا جاسکتا ہے۔

عدالت نے  ڈیجیٹل دہشتگردی کے کیس میں عادل راجا، حیدر مہدی، وجاہت سعید، صابر شاکر اور معید پیرزادہ کو 2، 2 بار عمر قید کی سزائیں سنائیں۔

یہ بھی پڑھیں

9 مئی جلاؤ گھیراؤ کے دو کیسز کا تحریری فیصلہ جاری، محمود الرشید کو 33 سال قید کی سزا

9 مئی کے مزید 2 مقدمات کا فیصلہ، یاسمین راشد، محمود الرشید، عمر چیمہ اور اعجاز چوہدری کو10،10 سال قیدکی سزا

انسداد دہشتگردی عدالت نے ملزمان کو دیگر دفعات میں بھی مجموعی طور  پر 35 سال قید اور 15 لاکھ روپے فی کس جرمانے کی سزائیں بھی سنائی۔

عدالت نے پراسیکوشن کی استدعا پر ملزمان کی غیر موجودگی میں ٹرائل مکمل کیا تھا اور کیس کا فیصلہ محفوظ کیا تھا۔

واضح رہے کہ تھانہ آبپارہ کے مقدمے میں صابر شاکر، معید پیرزادہ اور سید اکبرحسین کو عمرقید کی سزا سنائی گئی جبکہ شاہین صبہائی، حیدر مہدی اور  وجاہت سعید کو بھی سزا سنائی گئی۔ تھانہ رمنا میں درج  مقدمے میں شاہین صہبائی،حیدر مہدی اور وجاہت سعید کو سزا سنائی گئی۔