وَالْفَجْرِ ﴿١﴾ وَلَيَالٍ عَشْرٍ ﴿٢﴾ وَالشَّفْعِ وَالْوَتْرِ ﴿٣﴾ وَاللَّيْلِ إِذَا يَسْرِ ﴿٤﴾ هَلْ فِي ذَٰلِكَ قَسَمٌ لِّذِي حِجْرٍ ﴿٥﴾ ۔۔۔۔۔۔۔ وسیع النظر کو عربی میں ۔۔۔۔۔۔۔۔۔واسِعُ الاُفُق ۔۔۔۔۔ کہتے ہیں ۔۔۔۔۔۔ یعنی اس کی سوچ میں وسعت ہے ۔۔۔۔۔۔۔ اور یاد رہے کہ فجر کا اُفق سے گہرا تعلق ہے ۔۔۔۔۔ اس ترکیب کو یہاں بیان کرنے کا مقصد ہے کہ ۔۔۔۔۔ تھوڑی دیر کے لئے اس پہلی آیت کو سمجھنے کے لئے ۔۔۔۔۔۔۔۔ تھوڑا سا وسیع النظر ہو جائیں ،۔۔۔۔۔۔۔۔۔ تھوڑا کینوس بڑا کرلیں ۔۔۔اور اپنا اصول بنا لیں ۔۔۔۔۔۔۔ کہ جب اللہ کسی ایک پوری آیت میں صرف ایک لفظ یعنی صرف ایک لفظ نازل کررہا ہے تو وہ بہت بڑا لفظ ہوگا ۔۔۔۔۔۔۔ بہت بڑا ۔۔۔۔۔۔۔۔۔ یہ اس کا طریقہ کار ہے ۔۔۔۔۔۔۔۔۔۔۔ اُسے اس بات کی فکر نہیں ہوتی کہ انسان اس کو کتنا سمجھ پائے گا ۔۔۔۔۔۔ اس کی تفسیر کیسے کرے گا ۔۔۔۔۔۔۔۔۔ کیونکہ وہ تو ہر چیز پر قدرت رکھتا ہے ۔۔ broad vision لیکر قرآن میں داخل ہونا ضروری ہوتا ہے ۔۔۔۔ یہ ایک بہت اور طرح کی کتاب ہے ۔۔۔۔۔۔۔۔۔۔۔ پہلے سےکوئی رائے بنائے بغیر ۔۔۔۔ غیر جانبدار ہوکر ۔۔۔۔۔۔ کیونکہ کسی آیت کا مضمون آپ کی اپنی زات اپنے اعمال کے خلاف بھی جاسکتا ہے ۔۔۔اُسے ماننا پڑے گا ۔۔۔۔۔۔۔ کائنات کا رب اپنی زات کا اظہار اپنے کلام میں کرتا ہے ۔۔۔۔۔۔۔ اس لئے یہ وحی ہے اور وحی کا مطلب فقیر ۔۔ ” وہی” کرتے ہیں یعنی وہ ہی ۔۔۔۔۔۔ کیونکہ اس کا کلام اُ سی جیسا ہے ۔۔۔ انتہائی زندہ ۔۔۔۔۔ انتہائی معتبر ۔۔۔۔۔ انتہائی عجیب وَالْفَجْرِ ۔۔۔۔۔۔۔۔۔۔۔ کو اس طرح بیان کر دینا ۔۔۔۔۔۔۔۔ کہ قسم ہے فجر کی ۔۔۔۔۔۔۔۔۔۔۔ قرآن کے ساتھ بہت سخت زیادتی ہے ۔۔۔۔۔۔۔۔۔۔ قرآن تو دور کی بات ہے ۔۔۔۔۔۔۔۔۔۔۔ قاموس کے ساتھ انتہائی بے انصافی ہے ۔۔۔۔۔۔۔۔۔۔۔۔۔ حالانکہ صاف نظر آرہا ہے کہ صرف ” فجر” کی بات نہیں ہورہی ۔۔۔۔۔۔۔۔۔ بلکہ ” الفجر” کا تذکرہ ہے ۔۔۔۔۔۔۔۔۔۔۔۔ یعنی تمام اقسام کی فجر کی بات ۔۔۔۔۔۔۔۔۔ اور فجر کوئی چھوٹی شے تو ہے نہیں ۔۔۔۔۔۔۔۔۔ ۔۔۔۔ معاملہ ہمارے ساتھ یہ ہے کہ ہم قرآن اُس طرح نہیں سمجھتے ۔۔۔۔۔۔۔۔ جس طرح وہ نازل کیا گیا ہے ۔۔۔۔۔۔۔۔۔ جس نے یہ قرآن نازل کیا ہے ۔۔۔۔۔۔۔۔ وہ ایک انتہائی وسیع النظر ہستی ہے very very broad mind۔۔۔۔۔۔۔۔۔ انتہائی واسع العلیم ۔۔۔۔۔۔۔۔۔۔۔۔۔ ۔ قران کو سمجھنے سے قبل بہتر ہوتا ہے کہ تھوڑا سا علم الاسما ء کو جان لیا جائے ۔۔۔۔۔۔۔۔ تھوڑی یاری معجم یا قاموس سے ہو تو بہتر ہوتا ہے ۔۔۔۔۔۔۔۔۔ فجر کو سمجھنے کے لئے “انفجار ” کے لفظ کو سمجھنا زیادہ بہتر ہوگا ۔۔۔۔۔۔۔۔ انفجار اس طرح کی کیفیت ہے ۔۔۔۔۔۔۔۔۔ جب زمین سے پہلی مرتبہ کوئی چشمہ پھوٹ کر بہنے لگتا ہے ۔۔۔۔قران اس پر گواہ ہے سورت بقرہ آیت 60 کہ فَانفَجَرَتْ مِنْهُ اثْنَتَا عَشْرَةَ عَيْنًا ۖ۔۔۔۔۔ جس سے باره چشمے پھوٹ نکلے ۔۔پھوٹ کے نکلنا بھی فجر ہے ایک اور جگہ سوہنا کہتا ہے ۔۔۔۔ وَإِنَّ مِنَ الْحِجَارَةِ لَمَا يَتَفَجَّرُ مِنْهُ الْأَنْهَارُ بعض پتھروں سے تو نہریں بہہ نکلتی ہیں۔۔۔۔۔۔۔۔۔۔۔۔۔پھر کہتا ہے ۔۔۔حَتَّىٰ يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ مِنَ الْفَجْرِ ۔۔۔۔۔۔ یہاں تک کہ صبح کا سفید دھاگہ سیاه دھاگے سے پھوٹ نکلے۔۔۔ پھر کہتا ہے ۔۔۔۔وَقُرْآنَ الْفَجْرِ ۖ إِنَّ قُرْآنَ الْفَجْرِ كَانَ مَشْهُودًا اور صبح کا قرآن صبح کا قرآن دیکھنے کے قابل ہے ۔۔۔ پھر کہتا ہے ۔۔۔۔۔ وَقَالُوا لَن نُّؤْمِنَ لَكَ حَتَّىٰ تَفْجُرَ لَنَا مِنَ الْأَرْضِ يَنبُوعًا ﴿٩٠﴾ ۔۔۔۔ انہوں نے کہا کہ ہم آپ پر ہرگز ایمان ﻻنے کے نہیں تاوقتیکہ آپ ہمارے لئے زمین سے کوئی چشمہ جاری نہ کردیں اور بھی بہت جگہ فجر کا لفظ استعمال ہوا ہے قرآن میں مگر یاد رکھنا ۔۔ جہاں روشنی پھوٹ رہی ہو جہاں پانی پھوٹ کر نکل رہا ہو وہ لمحہ فجر ہوتا ہے معلوم ہے کیوں کیونکہ روشنی اور پانی اور محبت تینوں چیزیں ایک ہی ہیں آپ کہو گے محبت کا لفظ کہا سے لے آیا تو ۔۔۔۔۔۔۔ پہلے ایک اور بات کرلیں یہ بھی یاد رہے کہ جب چشمہ زمین پر بہنا شروع کردیتا ہے ۔۔۔۔۔۔۔ تو وہ جوں جوں اپنے سوتے مخرج ، منبع ، سرچشمہ ، جائے ظہور، ماخذ (جہاں سے چمشہ نکلا ہے ) سے دور جاتا جائے گا اس کے میلا ہونے کا خدشہ بڑھتا جاتا ہے ۔۔۔ یہ بات اس لئے عرض کر رہا ہوں ۔۔۔۔۔۔۔۔۔۔۔ کہ آگے چل کر آپ کے دماغ میں یہ سوال آسکتا ہے ۔۔۔۔۔۔۔۔ کہ فجر کا مطلب اگر پانی کا پھوٹ کر بہنا ہے روشنی کا پھوٹنا ہے تو فاجر ، اور فجور کا مطلب کیا ہے اور کیوں ہے ۔۔۔۔ ۔۔۔۔۔۔۔۔۔۔۔۔۔۔۔۔ فجر اُس وقت کو بھی کہتے ہیں ۔۔۔۔۔۔۔۔۔ جب صبح ہونے لگتی ہے ۔۔۔۔۔۔۔۔۔۔۔۔۔ ایک بہت اہم بات ہوجا ئے چلتے چلتے ۔۔۔۔بڑی عاجزی کے ساتھ بے ادبی نہ سمجھنا ۔۔۔۔ ” شان نزول کی وجہ سے رب آیت نازل نہیں کرتا ۔۔۔۔۔۔ بلکہ آیت نازل کرنے کی خاطر وجہ نزول پیدا کرتا ہے ۔۔۔۔۔۔۔ کیونکہ قرآن ایک واقعہ نہیں ہے بلکہ ایک کتاب ہے ۔۔۔۔۔۔ ایک صدی کے لئے نہیں ہے ۔۔۔ ایک قبیلے ایک فرد ایک ملک کے لئے نہیں ہے ۔۔۔۔۔ قیامت تک کی کتاب ہے ۔۔۔۔۔۔ اور پوری انسانیت کے لئے ہے ۔۔۔۔ اس لئے شان نزول کا فقیر احترام ضرور کرتے ہیں لیکن وجہ نزول باہر حال ہروقت کے لئے ہے ہر ایک کے لئے جو بھی ہدایت کا طالب ہے ۔۔۔۔۔ اب دیکھنا یہ ہے کہ فجر سے کیا مراد ہے ۔۔۔ فجر کہتے کس چیز کو ہیں ۔۔۔ فجر ایک زندہ چیز ہے ۔۔۔۔۔ ہمارے لئے نہیں بلکہ اس زات کے لئے جو پھولوں پتوں ٹہنیوں انسانوں بادلوں دریاؤں کے پانیوں میں سانس ڈالتا ہے ۔۔۔۔ ۔۔۔۔۔وَالصُّبْحِ إِذَا تَنَفَّسَ ﴿١٨﴾۔۔ ایک نیا سانس ۔۔۔ سحرطاری کردینے والا وقت اسی لئے اس صبح کے لئے لفظ ” سحر” بھی ہے یعنی جادو جب ہم ہوا کو گندہ کرتے ہیں ۔۔۔۔۔۔ تو ہم قدرت کے سانس لینے میں مشکل پیدا کرتے ہیں ۔۔۔۔۔۔۔ اور قدرت وہ خود ہے ۔۔۔۔۔۔۔ کیونکہ جو خود ہو وہ خدا ہوتا ہے ۔۔۔۔۔۔۔۔۔۔ جو خو د سے نہ ہو وہ مخلوق ہوتا ہے ۔۔۔۔۔۔۔۔ ہم خدا اس لئے نہیں ہیں کہ ہم خود نہیں ہیں ۔۔۔ بلکہ امر ربی یعنی روح سے زندہ ہیں ۔۔۔ مٹی زمین کی ہے اور روح آسمان والے کی ۔۔ یہ انسان آسمان اور زمین کے ملاپ سے بنا ہے ۔۔۔۔۔ یہ جو ہم خود ہوتے ہیں یہ خدا نے خود سے دی ہے ۔۔۔۔۔ آپ یہ سمجھ لیں کہ زندگی کا ایک دھماکے سے جو آغاز ہوتا ہے ۔۔۔۔۔۔۔ اسے فجر کہتے ہیں ۔۔ جیسے ماں کے جسم سے بچے کی پیدائش ہوتی ہے کئی اندھیری راتوں کے بعد جب زندگی کے اندر سے زندگی پھوٹتی ہے ۔۔ جیسے جشمہ پھوٹنا ہے یکدم ۔۔۔ اسی طرح ماں کے اندر سے بچے کے لئے محبت پھوٹتی ہے یکدم ۔۔۔۔ پہلے وے وہ اسے جان نہیں رہی ہوتی ۔۔۔۔ پہلی نظر کی محبت ۔۔۔۔۔۔آپ کو یہ بھی بتانا ہے کہ فجر کا فاجر سے فجور سےکیا تعلق ہے ۔۔۔۔۔۔۔۔۔ اس بات کو جاننے کے لئے ۔۔۔۔۔ اب کو تھوڑی سی فزکس سمجھنی ہوگی ۔۔۔۔۔۔۔۔۔۔ اس ناچیز کے پاس جو علم ہے ۔۔۔۔۔۔۔ اس کے مطابق مادہ اور زندگی ساری کی ساری انفارمیشن کے سوا کچھ نہیں ہے ۔۔۔۔۔۔۔۔۔۔ اور دوسری بات یہ کہ انفارمیشن روشنی کی ایک قسم ہے ۔۔۔۔۔ یہ بات نہیں معلوم سائنس کہہ رہی ہے کہ نہیں ۔۔۔ لیکن جس راستے پر چل رہی ہے ۔۔۔۔۔۔ اُسے کہہ دینا چاہیئے کہ روشنی کائنات کا basic material ہے جیسے پانی کا چشمہ اور روشنی پھوٹتی ہے ویسے ہی محبت جسم لیتی ہے ۔۔۔۔ جب ہم زندگی کی بنیاد کو روشنی قرار دے دیں گے تو ” الفجر” کی وسعت کا تھوڑا تھوڑا احساس ہونا شروع ہوجائے گا ۔۔۔۔۔۔۔۔۔۔۔۔۔ اس بات کو ثابت کرنے کے لئے نہیں معلوم کیا کیا ثابت کرنا پڑے گا ۔۔ مگر جب روشنی ۔۔ زندگی میں ڈھل جائے تو گناہ گار تو ہوگی ۔۔۔۔۔۔۔ اپنے سے نیچلے لیول پر آنے سے فرق تو پڑتا ہے ۔۔۔۔۔ آسمان چھوڑ کر کوئی زمین پہ رہینے لگے تو ناپاک تو ہوسکتا ہے نہ ۔۔۔۔۔اس لئے اللہ کی زات خالص نور ہے ۔۔۔۔۔ خالص نور کی پہچان یہ ہے کہ وہ ظاہر اور باطن دونوں طرح نور ہوتا ہے ۔۔۔۔۔ یعنی جسم بھی نور کا اور لباس بھی نور کا ۔۔۔۔۔۔ ۔۔ ہمارے جسم کے ساتھ مسئلہ یہ ہے کے ہم اندر سے تو نور ہیں مگر جسم ہمارا مٹی ہے مادہ ہے ۔۔۔۔۔۔۔۔۔ جو شر کے ساتھ ہو بشر ہوتا ہے ۔۔۔۔۔۔ کیونکہ بشر کے لفظ میں ” ب ” کا حرف موجود ہے جس کا مطلب ساتھ ہوتا ہے ۔۔۔۔۔۔۔۔۔۔۔ تو فجر کا مطلب ہے ۔۔۔ وہ وقت جب روشنی نچلے لیول ہر یعنی زندگی میں ڈھلتی ہے ، جب نظر آنا شروع ہوجا ئے ۔۔۔ اپنی شفافیت کھو دے ۔۔۔۔ جب سب دِکھنے لگے ۔۔۔۔ اب یہاں ایک بات اردو میں کرنی ہے ۔۔ کہ جس کو دِکھتا ہے اُس کو دُکھتا ہے ۔۔۔ یعنی پورے جسم میں روتی صرف آنکھ ہے درد چاہے جسم میں کہیں بھی ہو ۔۔۔۔۔۔۔ کیونکہ جس کی پینائی ہے رسوائی بھی اسی کی ہے ۔۔دیکھنا اور دُکھنا ایک ہی ہے ۔۔۔۔ آنکھیں ہوں بھی تو بھی روشنی کی ضرورت تو رہیتی ہے ۔۔۔۔۔۔۔۔۔ فجر روشنی کی عطا کا نام ہے ۔۔۔۔۔۔۔۔۔۔۔۔ علم کے حصول کا مقام افق ہے ۔۔۔۔۔ جب کسی کو محبت عطا ہوتی ہے ۔۔۔ ۔۔۔۔ دھماکہ ہونے کا مطلب بھی انفجار ہے ۔۔۔ جب وجود عطا ہوتا ہے تو بندے کے اندر ایک انقلاب برپا ہوتا ہے ۔۔۔۔۔۔ ایک دھماکہ ہوتا ہے ۔۔۔۔ اگر آپ نے گھر میں کبھی مرغی پالی ہو اُسے انڈوں پر بیٹھا یا ہو ۔۔۔۔۔۔ تو چوزے کی پہلی چوں کے ساتھ ہی مرغی کا لہجہ بدل جاتا ہے ۔۔۔۔۔۔ لہجہ بدلنے کا مطلب ہے زات بدل گئی ہے ۔۔۔ کیونکہ محبت کا لہجہ اور ہوتا ہے ۔۔۔۔۔۔ محبت آنکھوں سے عیاں ہونے لگتی ہے ۔۔۔ وہ زندگی جس سے کسی کو پیار ہو اُس کا آغاز دھماکے سے کم نہیں ہوتا ۔۔۔۔۔مرغی کے بچے 21 دن میں نکلتے ہیں ۔۔۔۔۔۔ پھر اسے اپنی 20 تاریک راتیں یاد نہیں رہیتی ۔۔۔۔۔۔ کیونکہ وہ جفت ہوتی ہیں ۔۔۔۔۔۔۔۔۔۔ اور 21 واں ایک دن جو وتر ہے اسے خوبصورت لگنے لگتا ہے کیونکہ رب کی محبت اسے اپنے پروں میں ہلتی محسوس ہوتی ہے اب انکار کی گنجائش ختم ہوجاتی ہے ۔۔اب بندے کا فاجرہوجانا ممکن ہوجاتا ہے ۔۔۔ کیونکہ روشنی جب زندگی میں ڈھلتی ہے تو زندگی تو طلبوں کی جگہ ہے ۔۔۔۔ بھوک پیاس اور ناجانے کیا کیا کچھ ۔۔۔۔سورج کی پاکیزہ روشنی زمین جسی ادنی جگہ پر پڑے گی گناہ گار تو ہوگی ۔۔۔۔۔۔پھر مرغی کو ایک اور طرح کی کڑک عطا ہوتی ہے پرورش کی کڑک ۔۔۔۔۔۔۔۔۔ جب اُس نے کُن کہا تھا تو ایک big bang یوا تھا ۔۔۔۔۔۔۔۔۔۔۔۔۔ ایک بڑا دھماکہ ۔۔۔۔۔۔۔۔۔۔ کائنات کا ایک چشمہ پھوٹا تھا ۔۔۔۔۔۔وجودیت کی صبح ہوئی تھی ۔۔۔۔ جب نور نے جسم لیا تھا ۔۔۔۔۔۔۔۔۔ وہ فجر کی کیفیت تھی ۔۔۔۔۔۔۔ یہ فجر کرتی کیا ہے ۔۔۔۔۔۔ وہ اپنی نشانیوں میں ڈھونڈا جاسکتا ہے ۔۔۔۔۔۔۔۔۔ صبح اس کی نشانیوں کو قابل دید کرتی ہے ۔۔۔۔۔۔۔۔۔۔ نظر آنے کے قابل ۔۔۔۔۔ جب اس کی نشانیاں ہی اُس کو دیکھنا ہے تو صبح کا مطلب ہے اُس کو دیکھنے کی آغاز کیونکہ صبح کے بعد رات تک ایک ایک دیکھنا ہے یہ ہی تو ہے پیدائش سے موت تک ایک مہلت ہی تو ہے ۔۔۔۔۔۔۔۔۔۔۔۔۔۔ صبح آپ کو ایک اور چانس دیتی ہے ۔۔۔ایک اور دن ۔۔۔۔۔ کہ اصل منزل کو پا لو ۔۔ رب کو زیادہ جاننا ہے ۔۔۔۔۔ تو دل کی شدت کو سمجھنا بڑا ضروری ہے دل کی شدت کو جاننا ہے تو ۔۔ ہاجرہ کی اس کیفیت کو سمجھنا پڑے گا ۔۔۔۔۔۔ جب بچہ پیاس سے مر رہا تھا اور کوئی مدد گار نہیں تھا ۔۔۔۔۔ جب تک محبت کی شدت نہ ہو ۔۔۔۔۔۔۔ نہ قرآن سمجھ نہیں آیا کرتا ہے نہ کچھ اور ۔۔۔۔ کیونکہ جس نے یہ قرآن نازل گیا ہے ۔۔۔۔۔۔۔۔ ۔ وہ جذبات کی انتہاؤں کی انتہا ہے ۔۔۔۔۔ قرآن مسجدوں کے دروس میں سمجھ آنے والی چیز نہیں ہے ۔۔ چائے پینے کے بعد ڈنر کرنے سے قبل ۔۔۔۔۔۔ یہ جنگ کے میدانوں میں پلے پڑتا ہے ۔۔۔ گند کے ڈھیر پر کوڑا چنتے بچوں کی آنکھوں میں حروف مقطعات جھلک رہے ہوتے ہیں ۔۔۔۔۔۔۔ کسی بھوکے کو بھوک کی شدت میں کھانا کھلانے سے ایک دو حرف سمجھ آتے ہیں وہی صرف اور نحو ہے ۔۔۔۔ دکھ درد ، تڑپ ، یہ وہ علوم ہیں جو قرآن کو سمجھنے کے لئے بنیادی علم کی طرح ہیں ۔۔۔۔۔ یہ کتاب بہت اور طرح کی شے ہے ۔۔۔۔ پانی اور روشنی اور محبت زندگی کی بنیاد ہیں ۔۔۔۔ اس لئے چشمے کا پھوٹنا بھی فجر ہے اور اورروشنی کا آغاز بھی فجر ہے ۔۔ زندگی کی شروعات بھی فجر ہے اور دل کے اندر ایک انقلاب پیدا ہونا بھی فجر ہے ۔۔۔۔۔۔۔ فجر کے لفظ کو یہاں نامکمل چھوڑ کر دس راتوں کی جانب چلتے ہیں ۔۔۔۔۔کیونکہ یہ محبت ایک دن میں نہیں پھوٹنی نو مہینے کا سجدہ ہوتا ہے پہروں کی پیاس ہوتی ہے ۔۔۔۔۔۔۔۔۔۔۔۔ کیونکہ جب تک دس راتوں کو بیان نہیں کیا جائے گا ۔۔ فجر سمجھ نہیں آئے گی ۔۔۔۔۔۔۔۔۔۔۔۔ وَلَيَالٍ عَشْرٍ ﴿٢﴾ ۔۔۔۔۔۔۔۔۔ دس راتیں تین اقسام کی ہوتی ہیں ۔۔۔اول دس ۔ آخر دس اور اکبر دس ۔۔۔۔۔۔۔۔۔۔ اول دس راتیں ۔۔ محرم کی اول دس راتیں ہیں ۔۔۔ اور اخر دس راتیں ذوالحجۃ کی اول دس راتیں اور اکبر دس راتیں ۔۔ رمضان کی اخری دس راتیں ۔۔۔۔اب آپ سوال کرؤ گے محرم اور زوالحجہ کی تو یہ پہلی دس راتیں ہیں تو رمضان کی آخری دس راتیں کیو ں ہیں ۔۔۔ وہ اس لئے کہ رمضان کا تعلق لیلٰۃ القدر سے ہے جب آخری کتاب نازل ہوئی تھی ۔۔۔۔۔۔۔۔۔۔۔۔ اب سوال پیدا ہوتا ہے کہ محرم کی دس راتوں میں ایسا کیا ہے ۔۔۔ اور ذوالحجۃ کی دس راتوں میں ایسا کیا ہے اور رمضان کی آخری دس راتوں میں ایسا کیا ہے ۔۔۔ اب سنو جب مسلسل نو راتوں تک ایک خواب ہی آتا رہے کہ بیٹا مجھے دے دو بیٹا مجھے دے دو تو 10 ویں دن اور کوئی چارا نہیں رہیتا کہ بیٹا ذبح کردیا جائے ۔۔۔۔۔ اور جب 9 راتیں قافلہ صرف رات کو سفر کرے اس ڈر سے کہ دیکھ لیا جائے گا اور نویں دن پانی کے اندر سے ایک لاٹھی کہ پڑنے پر سمندر کے اندر خشکی پھوٹ پڑے ایسے جیسے صحرا میں چمشہ پھوٹ پڑتا ہے تو اس خوف کا اندارہ کرؤ جو چلنے والوں کو تھا ۔۔۔۔ ہماری بھوک پیاس کا اجر لیلۃ القدر کی صورت نازل ہوتا ہے ۔۔۔۔۔ یہ نو حرفی رات ہے ۔۔۔ نو طاق ہے کیونکہ وہ طاق ہے ۔۔۔۔۔۔۔۔۔۔ وَالشَّفْعِ وَالْوَتْرِ ۔۔۔۔ اس آیت کو سمجھنا ہے تو ۔۔۔ سورت البلد کی 9 ویں آیت مدد دے سکتی ہے ۔۔۔۔وَلِسَانًا وَشَفَتَيْنِ ﴿٩﴾ ایک زبان اور دو ہونٹ ۔۔۔۔ جفت اور طاق ۔۔ ملکر کلمہ ادا کرتے ہیں ۔۔۔ شَفَعَ الحَامِلُ اس عورت کو کہتے ہیں کہ جس کی گود میں بچہ ہو اور وہ حاملہ بھی ہو ۔۔۔۔۔۔۔۔۔۔۔۔۔۔۔ شفاعت کا مطلب ہے کسی کی سفارش کردینا۔۔۔۔۔۔۔ یعنی ایک کی جگہ دو ہوجانا ۔۔۔۔۔۔۔ یہ مادہ جفت کے لئے استعمال ہوتا ہے ۔۔۔ شفه ہونٹ کو کہتے ہیں ہونٹ دو ہی تو ہوتے ہیں ۔۔۔۔۔ کاش کوئی پوچھے کہ ہونٹوں کو ہونٹ کیوں کہتے ہیں ۔۔۔ ۔ اور اسی لئے ” شف ” کے مادے سےکہتے ہیں کہ یہ دو ہیں اور زبان کی کہی گئی بات کی سفارش کرتے ہیں ۔۔۔۔۔ یعنی آواز کو حرف دیتے ہیں ۔۔۔۔۔۔ اب سوال پیدا ہوتا ہے کہ دو کیا چیز ہے ۔۔۔ دو کو سمجھنے کے لئے بہترین زبان پنجابی ہے ۔۔۔ ” ب ” دوسرا حرف ہے اس کا مخرج بتاتے ہوئےاُستاد کہتے ہیں جب اوپر والے ہونٹ کا گیلا حصہ نیچے والے ہونٹ کے گیلے حصے سے ملے تو حرف ” ب ” کی ادائیگی ہوتی ہے ۔ پنجابی میں ماں کو بے کہتے ہیں یعنی رب کے بعد دوسری اللہ کے الف کے بعد بے کی ب ۔۔۔۔۔ اب رب اور ماں کو پیش نظر رکھ کر ۔۔۔ بے ۔۔ کی ادائیگی سیکھتے ہیں ۔۔ جب اوپر والا ہونٹ اور نیچے والا ہونٹ ملیں تو بے ادا ہوتی ہے یعنی رب اور ماں ملکر ماں کی زمہ داری ادا کرتےہیں ۔۔ ماں گیلے ہونے کا ہنر جانتی ہے کیا ہوتا ہے گیلا ہونا ۔ یعنی ماں کے کردار کی ایک مشکل ادائیگی ہے مگر ماں کی محبت میں وہ اکیلی نہیں ہوتی رب ساتھ ہوتا ہے جو اس کے دل میں گیلے ہونے کو محبت میں بدل دیتا ہے جب بدبو محبت میں بدل جائے تجوید پڑھانے والے کہتے ہیں ۔۔ اس چیز کو اقلاب کہتے ہیں ایک حرف کی جگہ دوسرا حرف ۔۔۔۔۔۔۔۔ جیسے ” من بعد ی ” کو ہم ” مم بعدی” پڑھتے ہیں ۔۔۔۔۔۔ یہ قرآن سات حرفی روشنی ہے اللہ کی قسم ۔۔۔ دل کرتا ہے کسی دن behavior of light تفصیل سے لکھ دو ں کہ نور سمجھ انا شروع ہو ۔۔۔۔ تاکہ قرآن آسان ہو جائے ۔۔۔ کیونکہ روشنی کو سمجھے بغیر قرآن سمجھنا مشکل ہوتا ہے ۔۔۔ وَاللَّيْلِ إِذَا يَسْرِ ۔۔ جب رات اپنے بھید کھول کر چلنے لگے ۔۔بھید کھول کر چلنا اپنے پاس سے نہیں لگایا ۔۔ سر کامطلب ہی راز ہوتا ہے اوریاد رکھنا رب جب کسی ماد ےکو قرآن میں استعمال کرتا ہے تو ہر معانی میں کرتا ہے اگر وہ کہے کہ خاتم تو اس کا مطلب ہوتا ہے ” خاتمہ پرمہر” کیونکہ آپ نبوت کے خاتمہ پر مہر تھے صلی اللہ علیہ والہ وسلم ۔۔ جب فجر ہونے کو ہو ۔۔۔ جب زندگی نمو لینے لگے ۔۔ جب تتلی اپنے غلاف سے نکلنے والی ہو ۔۔ جب روشنی ہونے کو تھوڑا وقت باقی ہو ۔۔ جب عبادت مکمل ہونے کو ہو ۔ ۔۔۔ جب مشکل آسان ہونے کو ہو ۔ جب قافلوں کی روانگی کا وقت آنے والا ہو ۔۔ جب ایک نئے دن کی امید ہو ۔۔ جب زم زم پھوٹنے والا ہو وہ لمحہ جب درد کی شدت کا اختتام قریب ہو ۔۔۔ جب رات ڈوبنے لگے ایک دن کے سامنے اپنے اندھیرے کا ہتھیار پھینک دے سرنڈر کردے ۔۔۔ جب رات خود کو مزید طویل نہ کرسکے اب رب کی جانب سے ایک سوال بیان ہوتا ہے فجر کی سورت کی 5ویں آیت میں ۔۔هَلْ فِي ذَٰلِكَ قَسَمٌ لِّذِي حِجْرٍ ۔۔۔۔۔۔ جس کا ترجمہ ہے کہ ۔۔۔۔ کیا سیانے بندے کے لئے اس میں کوئی قسم ہے؟ ۔۔۔۔۔۔۔۔۔۔۔ اس سوال کا ہم کیا جواب دیں گے اگر ہم فجر کے لفظ کو جانتے ہی نہ ہوں ۔۔۔۔۔۔۔۔ فجر ہونے کو ہے
