*یوتھ کا نظریاتی قافلہ — مصطفوی سٹوڈنٹ موومنٹ کا یومِ تاسیس*

تحریر۔۔۔چوہدری انصر اقبال بسراء

یونان(ڈیلی روشنی نیوز انٹرنیشنل۔۔۔*یوتھ کا نظریاتی قافلہ — مصطفوی سٹوڈنٹ موومنٹ کا یومِ تاسیس۔۔۔ تحریر۔۔۔چوہدری انصر اقبال بسراء)چھ اکتوبر وہ دن ہے جب پاکستان کی تعلیمی فضا میں ایک انقلابی تحریک کا آغاز ہوا — *مصطفوی سٹوڈنٹ موومنٹ (MSM)*۔ یہ تحریک صرف ایک طلبہ تنظیم نہیں، بلکہ ایک نظریہ ہے، جو نوجوانوں کو علم، امن، کردار اور قیادت سے آشنا کرتا ہے۔

شیخ الاسلام ڈاکٹر محمد طاہرالقادری کی بصیرت اور فکر کے نتیجے میں MSM نے جنم لیا، تاکہ تعلیمی اداروں میں طلبہ کی فکری تربیت، نظریاتی بیداری اور روحانی شعور کو اجاگر کیا جا سکے۔ MSM کا ہدف صرف کتابی علم نہیں بلکہ شعوری انقلاب ہے، جو طالب علم کو ایک باشعور شہری، پرامن انقلابی اور صالح قائد میں ڈھالتا ہے۔

یومِ تاسیس پر MSM کے کارکنان تجدیدِ عہد کرتے ہیں کہ وہ قلم کو ہتھیار اور کردار کو اساس بنا کر معاشرے میں علم، شعور اور تبدیلی کے چراغ روشن کرتے رہیں گے۔

آج MSM پاکستان کے ہر کونے میں امید کی ایک کرن، تبدیلی کی ایک صدا اور مصطفوی فکر کی عملی تفسیر بن چکی ہے۔

اللہ تعالیٰ اس نظریاتی قافلے کو استقامت عطا فرمائے، اور MSM کو پاکستان کے تعلیمی، اخلاقی اور انقلابی مستقبل کا روشن مینار بنائے۔