۔۔۔۔۔۔۔۔۔۔ غزل ۔۔۔۔۔۔۔۔۔۔۔
شاعر ۔۔۔۔۔۔۔۔۔۔۔ شہزاد تابش
جب مری ذات تک نہیں آیا
لہجہ جذبات تک نہیں آیا
کیسے تاویل میری سمجھے گا
وہ ملاقات تک نہیں آیا
مر گیا مفلسی کی چوکھٹ پر
ہاتھ خیرات تک نہیں آیا
وہ تو محلوں کا رہنے والا ہے
گہرے صدمات تک نہیں آیا
اس نے ہر بات پہ ملامت کی
میں خرافات تک نہیں آیا
مرے ترکش میں تیر باقی ہیں
میں ابھی مات تک نہیں آیا
تو نے جو گیت گنگنایا ہے
میرے جذبات تک نہیں آیا
دل محبت میں ایسے ٹوٹا ہے
پھر کسی گھات تک نہیں آیا
میں نے نقشہ سمجھ لیا تابش
راہِ آفات تک نہیں آیا
شہزاد تابشِ
