ایشائی ممالک سمیت دنیا بھر میں نہایت شوق کے ساتھ استعمال کی جانے والی سبز الائچی کو مسالوں کی ملکہ کہا جاتا ہے، پانچ ہزار سال پہلے تک یونان اور مصر کی تہذیبوں میں الائچی کو دوا کے طور پر استعمال کیا جاتا تھا، اور آج کی طبی تحقیقات نے بھی اس کی افادیت کو ثابت کردیا ہے۔
الائچی کو دو اقسام میں تقسیم کیا جاتا ہے، ایک کو چھوٹی یا سبز الائچی جب کہ دوسری کو بڑی یا کالی الائچی بھی کہتے ہیں۔ عمومی طور پر مختلف طبی فوائد حاصل کرنے کے لیے سبز یا چھوٹی الائچی کو استعمال کیا جاتا ہے۔
الائچی اینٹی کینسر
الائچی میں قدرتی موجود اینٹی اکسیڈ ینٹس پائے جاتے ہیں جس کی وجہ سے بڑی آنت کے کینسر، بریسٹ کینسر، جگر کے کینسر اور رحم کے جراثیم سے لڑںے میں مدد دیتے ہیں، یہ تمام اینٹی آکسیڈ ینٹس ایسے تمام جراثیم کو روکنے میں مدد کرتے ہیں۔
الائچی کھائیں، تیزابیت بھگائیں
تیزابیت کے خاتمے کے لیے الائچی بے حد مفید ہے،اگر آپکو بھوک نہ لگے ، تیزابیت ہو جی متلائے تو ان سب بیماریوں سے چھٹکارا پانے کے لیے الائچی کا انتخاب ایک بہترین سودا ہے۔
الائچی کو چبانے سے منہ میں بننے والے لعاب میں بھی اضافہ ہوتا ہے جو خوراک کو ہضم کرنے میں بے حد مدد دیتا ہے۔ اکثر لوگوں کے منہ کی وجہ سے بدبو آتی ہے اس کی وجہ معدے کی خرابی بھی ہو سکتی ہے اور بھی کوئی وجہ ممکن ہے لیکن الائچی ان سب بیماریوں کا علاج ہے۔
چائے میں الائچی کا استعمال
تازہ ترین تحقیق کے مطابق چائے میں الائچی کا استعمال کرنے سے ذہن تروتازہ ہوتا ہے جس کے باعث آپ اپنے کاموں کو با آسانی سر انجام دے سکتے ہیں۔
زہریلے مادوں کے خلاف قوت مدافعت
الائچی میں موجود معدنی مینگنیج کا ایک بڑا حصہ موجود ہے جو جسم میں موجود زہریلے مادوں سے لڑنے کی بھرپور صلاحیت رکھتا ہے، الائچی کے استعمال سے جسم میں زہریلے مادوں کے مخارج کے ساتھ ساتھ جسم میں موجود ناپاکی مثلا گندے کیمیلز بھی با آسانی خآرج ہوتے ہیں۔
خون کی کمی کو پورا کرتی ہے
الائچی خون کی کمی سے نمٹنے میں بھی معاون ہے اس میں موجود آئرن ، ربو فلیون، وٹامن سی اور دیگر وٹامنز خون کے سرخ خلیات کی پیداوار کو بڑھاتا ہے، گرم دودھ کے ایک گلاس میں ایک چٹکی الائچی پائوڈر اور ہلدی شامل کر کے استعمال کرنے سے خون کی کمی دور ہوجاتی ہے۔
