امریکی صدر ٹرمپ نے مائیکل کوہن ریڈیو شو کے دوران کہا کہ ایران کے خلاف امریکی فوجی کارروائی انتہائی مؤثر رہی، امریکی کارروائیوں سے ایرانی عسکری صلاحیتوں کو شدید نقصان پہنچا، ایران کی میزائل اور ڈرون بنانے کی صلاحیت 5 ماہ قبل کے مقابلے میں بہت کم ہوچکی ہے۔

ٹرمپ نے کہا کہ ایران اس وقت شدید معاشی مشکلات کا شکار ہے، ایران کو اس وقت 300 فیصد مہنگائی اور کمزور کرنسی کا سامنا ہے، ایران کی فوج کو تنخواہوں کی ادائیگی میں بھی مشکلات پیش آرہی ہیں۔

انہوں نے بتایا کہ امریکی بی ٹو بمبار طیاروں کے حملے میں ایران کا جوہری پروگرام مکمل طور پر تباہ کردیا گیا، حملے کے وقت ایران جوہری ہتھیار بنانے سے صرف دو ہفتے دور تھا۔

امریکی صدر نے کہا کہ اوباما اور بائیڈن نے ایران کے جوہری پروگرام کو بروقت نہیں روکا، ایران جوہری ہتھیار حاصل کرلیتا تو اسرائیل اور پورا مشرق وسطیٰ شدید خطرے سے دوچار ہوجاتے۔