غزل

شاعرہ  ۔۔۔۔۔۔۔۔۔۔۔  شاہین مفتی

کیا  ہوں میں آپکی کہانی  میں

ایک نقطہ ، جہان  ِ معنی  میں

ہم نہیں ڈھونڈتے کبھی صاحب

نقش  ِ اول کو  نقش  ِ ثانی میں

چلتا  رہتا  ہے  وقت  کا  دریا

فرق  پڑتا   نہیں  روانی  میں

اِک  مکان کی تلاش تھی ہم  کو

آ  گئے   کیسی  لا مکانی   میں

کار  ِ  اُلفت  بھی  کار  ِ دُنیا  ہے

کیا  لگے  دِل  سرائے فانی میں

کِس ہنر  کی  تلاش  تھی  اخر

ایک راجہ کو  اپنی  رانی  میں

کِن زمانوں کو کھوجتی ہوں میں

اپنی  تصویر   اِک  پرانی  میں

۔۔۔۔۔۔۔۔   شاہین مفتی۔۔۔۔۔۔۔۔۔۔