۔۔۔۔۔۔۔ خصوصی کلام  ۔۔۔۔۔۔۔

۔۔۔۔۔ ہم دیکھیں گے ۔۔۔۔۔

شاعر ۔۔۔۔۔۔۔  فیض احمد فیض

ھم دیکھیں گے

‎لازم ہے کہ ھم بھی دیکھیں گے

‎وہ دن کے جسکا وعدہ ھے

‎ جولوحِ ازل میں لکھا ہے

‎جب ظلم و ستم کے کوہ گراں

‎ روئی کی طرح اُڑ جائیں گے

ھم محکوموں کے پاؤں تلے

‎یہ دھرتی دھڑ دھڑ دھڑکے گی

‎اور اہل حکَم کے سروں پر جب

‎بجلی کڑ کڑ کڑکے گی

‎جب ارض خدا کے کعبے سے

‎سب بت اٹھوائے جائیں گے

‎ھم اہل صفا مردودِ حرم

‎مسند پہ بٹھائے جائیں گے

‎سب تاج اچھالے جائیں گے

‎سب تخت گرائے جائیں گے

‎بس نام رہے گا اللّٰہ کا

‎جو غائب بھی ہے حاضر بھی

‎جو ناصر بھی ہے منظر بھی

‎اٹھے گا انالحق کا نعرہ

‎جو میں بھی ہوں اور تم بھی ہو

‎اور راج کرے گی خلق خدا

‎جو میں بھی ہوں اور تم بھی ہو

‎فیض احمد فیض