انٹرنیشنل لیگ ٹی ٹوئنٹی کے پانچویں سیزن کی پلیئرز نیلامی یکم اکتوبر کو دبئی میں ہوگی، بابر اعظم سمیت پاکستان کے کئی اسٹار کرکٹرز آکشن لسٹ کا حصہ ہیں۔

بابر اعظم 80 ہزار امریکی ڈالرز کی سب سے مہنگی بیس پرائس کے ساتھ لسٹ میں شامل ہیں، جبکہ فخر زمان، شاداب خان، نسیم شاہ، صاحبزادہ فرحان اور حنین شاہ بھی نیلامی کے لیے دستیاب ہوں گے۔

دبئی میں ہونے والی نیلامی میں 23 ممالک کے 200 سے زائد کرکٹرز شامل ہوں گے۔ 40 ہزار ڈالرز کے سلیب میں شاداب خان اور حسن نواز سمیت کئی کھلاڑی شامل ہیں،آئی ایل ٹی ٹوئنٹی کے پانچویں سیزن کا آغاز 21 نومبر سے ہوگا،فائنل 20 دسمبر کو شیڈول ہے۔