اوور سیز فورم کنونشن ہالینڈ 20 اکتوبر 2024
دی ہیگ میں منعقد ہوگا، روشنی نیوز کی ٹیم
بھر پور کوریج کرے گی ۔ مدیر اعلیٰ جاوید عظیمی
ہالینڈ(ڈیلی روشنی نیوز انٹر نیشنل۔۔۔ نمائندہ خصوصی) اوور سیز فورم ہالینڈ کے زیر انتظام و انصرام اوور سیز فورم کنونشن بروز اتوار 20 اکتوبر 2024 کو سہ پہر ساڑھے تین بجے پاکستان اسلامک اینڈ کلچر سینٹر دی ہیگ میں منعقد ہوگا۔ مذکورہ کنونشن میں شرکت کرنے کے لئے یورپ کے مختلف ممالک اور امریکہ سے بھی عہدیداران تشریف لا رہے ہیں۔ اِس پُر وقار کنونشن کے منتظمین اوور سیز فورم ہالینڈ کے صدر را سب جاوید اور جنرل سیکرٹری سرفراز احمد گوندل بیرون ممالک سے آنے والے مند و بین اور بالخصوص امریکہ سے خصوصی شرکت کے لئے تشریف لانے والے مہمانان گرامی چیئر مین پاکستان اوور سیز فورم شاہد رضا رانجھا ، وائس چیئر مین غلام مصطفےٰ دیوان اور جنرل سیکرٹری خرم شہزاد رانجھا کاپرتباک استقبال کریں گے ۔ متذکرہ کنونشن پر میڈیا سے گفتگو کرتے ہوئے آن لائن اردو اخبار ڈیلی روشنی نیوز انٹر نیشنل کے بانی و چیف ایڈیٹر محمد جاوید عظیمی نے کہا کہ اوور سیز فورم کنونشن ہالینڈ میں انعقاد خوش آئند ہے۔ اِس انٹر نیشنل اخبار روشنی نیوز کی ٹیم خصوصی کوریج کرے گی جبکہ کنونشن کی کامیابی کے لئےدعائیہ کلمات بھی ادا کئے۔
