ہالینڈ، یوم اقبال، پُر وقار تقریب 9نومبر 2024
بزم علم و ادب روشنی نیدرلینڈز اور پاکستان اسلامک اینڈ
کلچر سینٹر دی ہیگ کے زیر اہتمام ہوگی۔
ہالینڈ(ڈیلی روشنی نیوز انٹر نیشنل – نمائندہ خصوصی) شاعر مشرق حضرت علامہ ڈاکٹر محمد اقبالؒ کے یوم ولادت کی مناسبت سے یوم اقبال کی پر وقار تقریب بروز ہفتہ 9 نومبر 2024 شام سات بجے بزم علم و ادب روشنی نیدر لینڈز اور پاکستان اسلامک اینڈ کلچر سینٹردی ہیگ کے زیر اہتمام تزک و احتشام سے کمیونٹی سینٹر کے ہال میں منعقد ہوگی ۔ متذکرہ تقریب میں مختلف مکتبہ فکر سے وابستہ نمایاں شخصیات محمد جاوید عظیمی ، میاں عاصم محمود، عامر مرغائی ، ڈاکٹر کامران خان ، فضل عاصم محمود، سید اعجاز حسین سیفی ، صفدر زیدی، نعیم عارف، راجہ فاروق حیدر اور عامر یوسف شاعر مشرق کو خراج عقیدت پیش کریں گے جبکہ موسیقی کے معروف گھرانے شام 84 کے سپوت گلوکار شہزاد علی خان اپنے ساتھیوں کے ہمراہ اپنی سحر انگیز آواز میں کلام اقبال پیش کریں گے ۔ پروگرام کے اختتام پر مہمانان گرامی کی تواضع لذیذ عمدہ پاکستانی کھانوں سے کی جائے گی ۔ مزید تفصیلات کے لئے – نیوز کے نیچے شائع شدہ پوسٹر کا مطالعہ کریں ۔
