آج 10 دسمبر  1878 عظیم مجاہد جنگ آزادی  مولانا محمد علی جوہر

ہالینڈ(ڈیلی روشنی نیوز انٹرنیشنل ٌعظیم مجاہد جنگ آزادی ، خلافت موومنٹ اور علیگڑھ موومنٹ کے سرگرم کارکن مولانا محمد علی جوہر کا یوم ولادت ہے   یہ وہ مجاہد آزادی تھے جنہوں نے 1930 میں لندن کی گول میز کانفرنس میں اعلان کیا تھا کہ وہ غلام ملک میں واپس نہیں جانا چاہتے ، الله نے انکی آرزو یوں پوری کی کہ انکی وفات لندن میں ہی ہوئی اور بیت المقدس میں تدفین ہوئی جس میں دنیا کے کئی ممالک کے سربراہان شامل ہوئے تھے

غزل

دور حیات آئے گا قاتل قضا کے بعد

ہے ابتدا ہماری تیری انتہا کے بعد

جینا وہ کیا کہ دل میں نہ ہو تیری آرزو

باقی ہے موت ہی دل بے مدعا کے بعد

قتل حسین اصل میں مرگ یزید  ہے

اسلام زندہ ہوتا  ہے ہر کربلا کے بعد

تجھ سے مقابلہ کی کسے تاب ہے ولے

میرا لہو بھی خوب ہے تیری حنا کے بعد

اج شہر آرزو پہ بھی ہونا پڑا خجل

ھل من مزید کہتی ہے رحمت دعا کے بعد

لذت ہنوز  مائدہ عشق میں  نہیں

آتا ہے لطف جرم تمنا  سزا کے بعد

غیروں پہ لطف ہم سے الگ حیف ہے اگر

یہ بے حجابیاں بھی ہوں عذر حیا کے بعد

ممکن ہے نالہ جبر سے رک بھی سکے اگر

ہم پر تو ہے وفا کا تقاضا جفا کے  بعد

ہے کس کے بل پہ حضرت جوہر  یہ روکشی

ڈھونڈیں گے آپ کس کا سہارا  خدا کے بعد

مولانا محمد علی جوہر

ولادت  10 دسمبر 1878

رامپور ، اتر پردیش