*ایک اور سنگِ میل عبور, پاکستان اور آئی اے ای اے (IAEA) کے درمیان چشمہ نیوکلیئر پاور پلانٹ کے یونٹ 5 کے لیے ‘سیف گارڈز’ (نگرانی و تحفظ) کے معاہدے پر دستخط*۔

آسٹریا (ڈیلی روشنی نیوز انٹرنیشنل ۔۔۔رپورٹ۔۔۔ محمد عامر صدیق،ویانا آسٹریا) ایک اور سنگِ میل عبور, پاکستان اور آئی اے ای اے (IAEA) کے درمیان چشمہ نیوکلیئر پاور پلانٹ کے یونٹ 5 کے لیے ‘سیف گارڈز’ معاہدے پر دستخط۔ آئی اے ای اے (IAEA) نے چین کی اٹامک انرجی اتھارٹی کے چیئرمین شان ژونگ ڈی (Shan Zhongde) کی موجودگی میں، پاکستان اٹامک انرجی کمیشن کے چیئرمین راجہ علی رضا انور کے ساتھ چشمہ نیوکلیئر پاور پلانٹ کے یونٹ 5 پر حفاظتی نگرانی (سیف گارڈز) کے اطلاق کے لیے اہم عملی انتظامات کے معاہدے پر دستخط کیے۔ پاکستان نے آئی اے ای اے کے ساتھ چشمہ یونٹ 5 (C-5) کے لیے سیف گارڈز معاہدے پر دستخط کیے۔ پی اے ای سی (PAEC) کے چیئرمین ڈاکٹر راجہ علی رضا انور اور آئی اے ای اے کے ڈائریکٹر جنرل رافیل ماریانو گروسی نے ویانا میں واقع آئی اے ای اے ہیڈکوارٹر میں، ادارے کی 70ویں جنرل کانفرنس کے موقع پر اس معاہدے پر دستخط کیے۔

اس دستخطی تقریب میں چین کی اٹامک انرجی اتھارٹی کے چیئرمین شان ژونگ ڈی اور پاکستان و چین کے مستقل نمائندوں نے شرکت کی، جو پرامن جوہری تعاون میں پاکستان اور چین کی مضبوط شراکت داری کی عکاسی کرتا ہے۔ C-5 کے لیے سیف گارڈز معاہدے کی منظوری مارچ 2026 میں آئی اے ای اے کے بورڈ آف گورنرز نے متفقہ طور پر دی تھی. جو جوہری توانائی کے پرامن استعمال کے حوالے سے پاکستان کے عزم پر بین الاقوامی اعتماد کا واضح اظہار ہے۔

 سی پانچ مجموعی پیداواری صلاحیت 1,200 میگاواٹ (برقی) ہوگی۔  فعال ہونے کے بعد، یہ پاکستان کے قومی گرڈ میں کم کاربن والی بجلی کی بڑی مقدار کا اضافہ کرے گا۔  جس سے توانائی کے تحفظ میں بہتری آئے گی، موسمیاتی اہداف کی حمایت ہوگی اور پائیدار اقتصادی ترقی کو فروغ ملے گا۔ پاکستان اس وقت چھ  نیوکلیئر پاور پلانٹس چلا رہا ہے جن کی مشترکہ صلاحیت 3,620 میگاواٹ (برقی) ہے اور اوسط صلاحیت کا تناسب ( کیپیسٹی فیکٹری ) 90 فیصد سے زائد ہے۔ 100 سے زائد ری ایکٹر-سال کا تجربہ، جو محفوظ اور مامون جوہری آپریشنز کا ایک مضبوط ریکارڈ ہے۔