حضرت امام حسین علیہ السلام

۔۔۔۔۔۔۔۔۔۔  خصو صی کلام  ۔۔۔۔۔۔۔۔۔۔

شاعر ۔۔۔۔۔۔۔۔۔ افتخار عارف

شرف کے شہر میں ہر بام و در حسینؑ کا ہـے

زمانے بھر کے گھرانوں میں گھر حسینؑ کا ہـے

فراتِ وقتِ رواں! دیکھ سوئے مقتل دیکھ

جو سر بلند ہـے اب بھی وہ سر حسینؑ کا ہـے

زمین کھا گئی کیا کیا بلند و بالا درخت

ہرا بھرا ہـے جو اب بھی شجر حسینؑ کا ہـے

سوالِ بیعتِ شمشیر پر جواز بہت

مگر جواب وہی معتبر حسینؑ کا ہـے

کہاں کی جنگ کہاں جا کے سر ہوئی ہـے کہ اب

تمام عالمِ خیر و خبر حسینؑ کا ہـے

محبتوں کے حوالوں میں ذکر آنے لگا

یہ فضل بھی تو میرے حال پر حسینؑ کا ہـے

حضورِ شافع محشرﷺ، علیؑ کہیں کہ یہ شخص

گناہ گار بہت ہـے مگر حسینؑ کا ہـے

– افتخار عارف