مانچسٹر کی معروف سماجی اور کاروباری شخصیت ضیا فرید کے بیٹے  ڈاکٹر یاسم فرید کی دعوت ولیمہ کی شاندار تقریب ۔

مانچسٹر  برطانیہ (ڈیلی روشنی نیوز انٹرنیشنل ۔۔۔وسیم بٹ سے ) مانچسٹر کی معروف سماجی و کاروباری شخصیت ضیاء فرید کے بیٹے  اور پاکستان گوجرانوالہ چیمبر آف کامرس کے قائد گروپ کے رہنما، منسٹر برائے انرجی اینڈ اسپورٹس کے کوآرڈینیٹر عطاء فرید کے بھتیجے ڈاکٹر یاسم فرید کی دعوتِ ولیمہ کی شاندار تقریب مانچسٹر کے معروف ورملین ہال میں منعقد ہوئی۔ اس پروقار تقریب میں برطانوی پارلیمنٹ کی ارکان یاسمین قریشی اور افضل خان، مئیر آف بری محمد طاہر رفیق، قونصل جنرل پاکستان مانچسٹر امتیاز فیروز گوندل سمیت سیاسی، سماجی، کاروباری، مذہبی اور کمیونٹی رہنماؤں کی بڑی تعداد نے شرکت کی۔ شرکاء نے دلہا اور دونوں خاندانوں کو مبارکباد پیش کرتے ہوئے نیک تمناؤں کا اظہار کیا۔ تقریب خوشگوار ماحول، باہمی محبت، رواداری اور پاک برطانیہ کمیونٹی کے اتحاد کی خوبصورت عکاس ثابت ہوئی، جہاں مہمانوں کی پرتکلف ضیافت اور شاندار انتظامات کو بھی بے حد سراہا گیا۔