پیپلزپارٹی کے تحفظات دور کرنے کیلئے وفاقی حکومت نے رابطے تیز کردیے ہیں اور اس سلسلے میں وزیراعظم شہباز شریف نے پیپلزپارٹی سے بات چیت کیلئے سپیکر قومی اسمبلی ایاز صادق کو باقاعدہ مینڈیٹ دے دیا ہے۔

ذرائع کا کہنا ہے کہ قومی اسمبلی کا اجلاس اب اکتوبر کے پہلے ہفتے میں بلانے کا فیصلہ کیا گیا ہے۔ن لیگ بلوچستان حکومت سے متعلق پیپلزپارٹی کے تحفظات بھی دور کرے گی، جبکہ سپیکر ایاز صادق کا حالیہ دورہ کوئٹہ بھی اسی سلسلے کی کڑی تھا۔

ذرائع کے مطابق پیپلزپارٹی نے بھی سپیکر ایاز صادق پر مکمل اعتماد کا اظہار کیا ہے۔سپیکر ایاز صادق سیاسی کشیدگی کے خاتمے کیلئے پیپلزپارٹی کی مرکزی قیادت سے رابطے کررہے ہیں۔

ذرائع کا کہنا ہے کہ سپیکر ایاز صادق صدر آصف علی زرداری اور وزیراعظم شہباز شریف کے درمیان ملاقات کیلئے بھی کوشاں ہیں۔