بارگاہ رسالت مآبﷺ
میں اثر انگیز نعتیہ کلام
مدینے کی طرف جو روز نامہ لکھتی رہتی ہوں
انھیں بے چین دل کی ہر تمنا لکھتی رہتی ہوں
مری مٹی میں گوندھا ہے خدا نے اس محبت کو
میں اکثر بے خودی میں بھی مدینہ لکھتی رہتی ھوں
غمِ دنیا سے گھبرا کر ترے سائے میں آتی ہوں
پھر اشکوں سے تری چوکھٹ پہ گر یہ لکھتی رہتی ھوں
ز مانہ جب بھی نفرت سےمجھے دھتکار دیتا ہے
تری جانب سے اپنے دل کو پُرسہ لکھتی رہتی ھوں۔
ترا نام ِ مبارک ہے مرے ہر درد کا درماں ۔۔
میں لوح ِ قلب پر اسم ِ مسیحا لکھتی رہتی ھوں
یوں فرط ِ عشق میں اپنے خیالوں ہی خیالوں میں
ھوا کے دوش پر پیغام کیا کیا لکھتی رہتی ھوں
❤❤صلی اللہ علیہ وآلہ وسلم ۔❤❤
