گھر فاطمہؑ کے خُدا کی رَحْمَت آ رہی ہے

خوش علیؑ ہیں کہ خُلْد کی نِعْمَت آ رہی ہے

عَرْشیوں کی مُسَلْسَل یہ صَدا آ رہی ہے

جہاں میں آج فاطمہؑ کی عِصْمَت آ رہی ہے

لَہْجَہ علیؑ کا اور عِفَّت فاطمہ زہرا

علیؑ کی بَن کے زِینَت و عَظْمَت آ رہی ہے

رُتْبَہ بَڑا اَعْلیٰ مِلا ثانیِ زہرا کو

بَن کر وہ مُحافِظِ اِمَامَت آ رہی ہے

صُبْح سے لے کر عَصْر تک قِیادَت حُسینؑ کی

زَینَبؑ کے پاس شام کی حُکُومَت آ رہی ہے

خَیْبَر سے کم نہ تھا خُطْبَہ ثانیِ  زہرا کا

نَظَر فاتِحِ خَیْبَرؑ کی شہامت آ رہی ہے

اِس طرح سے جوڑ دیا لَعْنَت سے نامِ یَزِید

ہَر دَور میں یَزِیدیوں کی شَامَت آ رہی ہے

کیسے بَیان کروں، کاشِفؔ، حال مُرْتَضیٰؑ کا

سَجْدے میں ہیں اور تَطْہِیر کی آیت آ رہی ہے